ەلىمىزدە توتەنشە جاعداي جاريالانعاننان بەرى ورال قالاسىندا بارلىق مادەني, سپورتتىق نىساندار جۇمىسى توقتاتىلسا, 27 ناۋرىزدان باستاپ ورال قالالىق دەمالىس ساياباعى جابىلدى. وبلىس ورتالىعىندا 221 ساۋدا جانە قىزمەت كورسەتۋ ورنىنىڭ جۇمىسى توقتاتىلعان. سونداي-اق قالاداعى 54 سپورت الاڭدارى دا جابىق تۇر.
- ورال قالاسى اكىمدىگى الەۋمەتتىك ماڭىزى بار ازىق-ت ۇلىك باعالارىن العاشقى كۇننەن باقىلاپ كەلەمىز. بۇگىنگى تاڭدا بازارلاردا كارتوپ باعاسى كيلوگرامىنا 120 تەڭگەگە تۇراقتادى. وبلىس بويىنشا الەۋمەتتىك ماڭىزدى تاۋارلاردىڭ شەكتى باعاسى بەلگىلەنۋدە. كەشە عانا كوتەرمە ساۋدامەن اينالىسۋشى كاسىپكەرلەر وبلىس ورتالىعىنا 70 توننا قانت جەتكىزدى. مەملەكەتتىك بيۋدجەتتەن دە قارجى ءبولىنىپ, «اقجايىق» الەۋمەتتىك كاسىپكەرلىك كورپوراتسياسى ارقىلى وبلىس تۇرعىندارىنا قاجەتتى قور جاساقتالىپ جاتىر. ءدال قازىر الاڭداۋعا ەش نەگىز جوق, وبلىس اۋماعىندا بىرنەشە ايعا جەتەتىن ازىق-ت ۇلىك قور بار, - دەيدى ابات شىنىبەكوۆ.
وبلىس ورتالىعىندا سانيتارلىق تازالىق شارالارىنا ەرەكشە ءمان بەرىلە باستادى. بۇگىندە «جايىق تازا قالا» جشس ورالداعى 376 ايالداماعا دەزينفەكتسيا جاساۋعا كىرىستى. جولاۋشى تاسىمالىمەن اينالىساتىن 400-گە جۋىق قوعامدىق كولىك يەلەرى دە ءار اينالىم سايىن جۇيەلى دەزينفەكتسيا جاسايدى. سونداي-اق قالالىق پاتەر يەلەرى كووپەراتيۆتەرى كوپ قاباتتى ۇيلەردىڭ كىرە بەرىسى مەن جەرتولەلەرىنە سانيتارلىق دەزينفەكتسيالىق شارالار جاساۋعا كىرىستى.
- ورال قالاسىندا كوپقاباتتى ء1234ۇي بار, ولارعا 107 پيك قىزمەت كورسەتەدى. راس, كوپپاتەرلى ءۇي 334 پيك-كە بىرىكپەگەن. دەگەنمەن بارلىق پاتەر يەلەرى كووپەراتيۆ باسشىلارىنا, تۇرعىنۇي جەتەكشىلەرىنە ەسكەرتۋ بەرىپ, سانيتارلىق تازالىق شارالارىن جاساۋعا تاپسىردىق كۇنى بۇگىن كوپپاتەرلى 598 تۇرعىن ۇيدە دەزينفەكتسيا جاسالىپ جاتىر, - دەيدى قالا اكىمى.
ابات شىنىبەكوۆتىڭ ايتۋىنشا, توتەنشە جاعداي جاريالانعالى بەرى قالاداعى قوعامدى كولىك قىزمەتىن تۇتىنۋشى ادام سانى ازايعان. وسىعان بايلانىستى 28 مارشرۋتتا اۆتوبۋس سانى قىسقارعان ەكەن. «بىراق بۇل جولاۋشىلارعا قىزمەت كورسەتۋ ساپاسىنا اسەر ەتپەيدى» دەپ سەندىردى قالا باسشىسى.
وقۋشىلاردىڭ كوكتەمگى كانيكۋل ۋاقىتى اياقتالۋعا تاياۋ. ءتورتىنشى توقسان قاشىقتان وقىتىلاتىنى بەلگىلى بولدى. قازىردىڭ وزىندە ورال قالاسىندا ءبىلىم سالاسىندا قىزمەت ەتەتىن 4176 قىزمەتكەردىڭ 3200-ءى قاشىقتان جۇمىس ىستەيدى. ال 976 مۇعالىم اقىلى دەمالىستا. وقۋ توقسان باستالعاندا ورال قالاسىندا 50 مىڭنان اسا وقۋشى قاشىقتان وقۋعا كىرىسپەك.
مەديتسينالىق بەتپەردە تاپشىلىعى بارلىق جەردەگى سياقتى ورال قالاسىندا دا بايقالۋدا. بىراق بۇگىندە شاھارداعى كاسىپورىن-فابريكالار, تىگىن اتەلەلەرى حالىق سۇرانىسىن قاناعاتتاندىرۋ ءۇشىن بەتپەردە ءوندىرىسىن جولعا قويىپ جاتىر. «قازىردىڭ وزىندە ءبىزدىڭ تىگىنشىلەر كۇن سايىن 20 مىڭداي بەتپەردە تىگە الادى, بۇل كورسەتكىشتى ودان ءارى كوبەيتۋگە مۇمكىندىك بار» دەيدى ابات شىنىبەكوۆ.
«ارىق اتقا قامشى اۋىر» دەمەكشى, توتەنشە جاعدايدىڭ سالقىنى ەڭ الدىمەن از قامتىلعان وتباسىلارعا ءتيىپ كەتۋى مۇمكىن. سوندىقتان الەۋمەتتىك احۋالى ناشار شاڭىراقتارعا ەرەكشە نازار اۋدارىلادى. ورال قالاسى بويىنشا 1367 وتباسىنا مەملەكەتتىك اتاۋلى الەۋمەتتىك كومەك تاعايىندالعان. ودان بولەك, جەرگىلىكتى كاسىپكەرلەردىڭ قولداۋىمەن 200-دەي وتباسىعا ازىق-ت ۇلىك كومەگى بەرىلىپتى. 10 مىڭداي بەتپەردە تىگىلىپ, قايىرىمدىلىق ەسەبىندە تاراتىلعان.
- كوروناۆيرۋس ىندەتى كۇن سايىن قاناتىن جايىپ كەلە جاتىر. ورالدىقتارعا ايتارىم, ماسەلەگە بايىپتى قاراپ, جاۋاپكەرشىلىكتى كۇشەيتۋ قاجەت. ۇيدەن شىقپاي, وقشاۋلانۋ رەجيمىن ۇستانايىق, ەڭ جاقىن ادامدارىمىزدى قاۋىپ-قاتەردەن ساقتايىق. اسىرەسە ايتارىم, ازىق-ت ۇلىك, كۇندەلىكتى قاجەت نارسەمىزدى العاندا ونلاين تولەم اقىسىنا كوشۋگە شاقىرامىن. ويتكەنى, قولما-قول اقشا – ينفەكتسيا كوزى. قازىر كەز-كەلگەن ساۋدا ورتالىقتارىندا, دۇكەندەردە تاۋار اقىسىن ونلاين تولەۋگە مۇمكىندىك بار. ءبىزدىڭ كاسىپكەرلەرىمىز دە بۇل ۇسىنىستى قولدايدى دەپ ويلايمىن, - دەدى ابات شىنىبەكوۆ قوشتاساردا.
باتىس قازاقستان
