ايماقتار • 27 ناۋرىز، 2020

وت قارۋمەن ويناۋعا بولمايدى

24 رەتكورسەتىلدى

بارلىق قىزمەتتىك جانە ازاماتتاردىڭ وتتى قارۋىن ۇستاۋىن باقىلاۋ پوليتسيا قىزمەتىنىڭ قۇزىرەتىندە. ەگەر قارۋدى ۇستاۋ، تاسىمالداۋ، ساقتاۋ جانە ساتۋ جۇمىستارىندا بەلگىلەنگەن ءتارتىپ بۇزىلاتىن بولسا يەسىنە ەسكەرتۋ جاسالادى، ال ەگەر بۇل جاعداي قايتالاناتىن بولسا قارۋ تاركىلەنۋى دە مۇمكىن.

جىل باسىنان بەرى سولتۇستىك قازاقستان پوليتسياسىنىڭ وسى قىزمەتتى اتقاراتىن ءبولىنىسى 260 بۇزۋشىلىق تاپتى. قارۋ-جاراق يەسىنە كەڭەس بەرۋ ءىسى بويىنشا مەملەكەتتىك قىزمەت  «ە-ليتسەنزيروۆانيە» دەرەكتەر بازاسى ارقىلى بەرىلەدى. بۇگىنگى تاڭدا 1279 مەملەكەتتىك قىزمەت كورسەتىلگەن.

بىراق قارۋ ساقتاۋداعى بۇزۋشىلىقتار دا ازايار ەمەس. پەتروپاۆل قالاسىنىڭ 60 جاستاعى ءبىر تۇرعىنىندا 3 ءتۇرلى قارۋ بولعان. قارۋدى ساقتاۋ جونىندەگى تارتىپكە سايكەس مىلتىق ساقتالعان ورىندا ەلەكترلىك جانە اۆتونومدى ءنار الاتىن ەكى دابىل بولۋى كەرەك. بۇل ازاماتتا ەلەكترلى دابىل ىسكە قوسىلماعان. سول ءۇشىن حاتتاما تولتىرىلىپ، ءۇش قارۋى دا تاركىلەنگەن. بىراق ايىپپ ۇلىن تولەپ، ساقتاۋ ورنىن قالىپقا كەلتىرسە قارۋلارى قايتارىلادى. تەكسەرىس  بارىسىندا بەلگىلى بولعان وسىنداي مىسالداردى كوپتەپ كەلتىرۋگە بولادى. «جىل باسىنان بەرگى تەكسەرىستەر بارىسىندا بەلگىلى بولعان 260 بۇزۋشىلىقتىڭ 177 قارۋدى ساتىپ الۋ، ساقتاۋ جانە تاسىمالداۋ ىستەرىندە انىقتالدى. ال 69 بۇزۋشىلىق ازاماتتىق جانە قىزمەتتىك قارۋدى تىركەۋدە جىبەرىلگەن ءتارتىپ بۇزۋشىلىقتار، ال 14 جاعدايدا قارۋدى زاڭسىز ساتىپ الۋشىلىق پەن ساتۋلارعا جول بەرىلگەندىك بولدى،» - دەيدى وبلىستىق پد اكىمشىلىك پوليتسيا باسقارماسىنىڭ باستىعى، پودپولكوۆنيك جاسۇلان وسپانوۆ.

پەتروپاۆل

سوڭعى جاڭالىقتار

ۇقساس جاڭالىقتار