ايماقتار • 25 ناۋرىز، 2020

سقو-دا كوروناۆيرۋس انىقتالعان ادام ومبىدان كەلگەن

38 رەتكورسەتىلدى

سولتۇستىك قازاقستان وبلىسىنىڭ دەنساۋلىق ساقتاۋ باسقارماسىنىڭ وكىلى وڭىردەگى كوروناۆيرۋس جۇقتىرعان ادامنىڭ جاي-كۇيىن ايتتى.

"حابار 24" ارناسىندا بولعان بريفينگتە باسقارما باسشىسى تيمۋر سۇلتانعازيەۆ 1993 جىلعى قىز پەتروپاۆلعا ومبى قالاسىنان كەلگەنىن حابارلادى.

"ول 23 ناۋرىزدا كەشكە ترانزيتتىك پويىزبەن كەلگەن. ۆوكزالدان ۇيىنە جەتكەن، بىراق دالاعا شىقپاعان، تەك اناسىمەن بايلانىستا بولعان. كەلەسى كۇنى، 24 ناۋرىزدا دەنە قىزۋى 37،6 گرادۋسقا كوتەرىلىپ، جەدەل مەديتسينالىق كومەككە جۇگىندى" دەدى ول.

ول جەدەل مەديتسينالىق جاردەم بريگاداسى شاقىرۋعا تولىق قورعانىس كوستيۋمىندە كەلگەنىن اتاپ ءوتتى. كەيىن قىز پروۆيزورلىق ستاتسيونارعا جاتقىزىلدى.

"دياگنوز كوروناۆيرۋس ينفەكتسياسىنىڭ بار ەكەنىن انىقتادى. قوسىمشا تالداۋلار الماتى زەرتحاناسىنا جىبەرىلدى" دەپ تولىقتىردى تيمۋر سۇلتانعازيەۆ.

قازىرگى تاڭدا پاتسيەنتتىڭ جاعدايى قاناعاتتانارلىق.

"تەمپەراتۋرا جوق، شاعىم ايتپادى. ونىمەن بايلانىستا بولعان پويىز جولاۋشىلارى دا انىقتالدى. ولاردىڭ بارلىعى كارانتيندىك ستاتسيوناردا وقشاۋلاندى، زەرتحانالىق تالداۋلار الىندى. بارلىعىنىڭ جاعدايى قاناعاتتانارلىق" دەدى وبلىستىق دەنساۋلىق ساقتاۋ باسقارماسىنىڭ باسشىسى.

ەسكە سالايىق، بۇگىندە قازاقستاندا 79 ادام كوروناۆيرۋس جۇقتىرعان. 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار