ايماقتار • 21 ناۋرىز، 2020

تەمىرتاۋدا ەكى ادامنىڭ كوروناۆيرۋس جۇقتىرعانى تۋرالى اقپارات جالعان

92 رەتكورسەتىلدى

قاراعاندىدا كوروناۆيرۋستىق ينفەكتسيا جاعدايى تۋرالى ونلاين بريفينگ ءوتتى. وبلىستىق دەنساۋلىق ساقتاۋ باسقارماسىنىڭ باسشىسى ەرجان نۇرلىباەۆ ينفەكتسيا جۇقتىرعانداردىڭ جاعدايى تۋرالى باياندادى، دەپ حابارلايدى قازاقپارات.

قاراعاندى وبلىسىندا كوروناۆيرۋستىق ينفەكتسيانىڭ 2 جاعدايى تىركەلدى. ناۋقاستار وقشاۋلانعان جانە ينفەكتسيالىق بولىمگە جاتقىزىلدى. ەكى ناۋقاستىڭ جاعدايى قاناعاتتانارلىق دەپ باعالانادى. ولار قاجەتتى ەم الىپ جاتىر.

سونىمەن بىرگە، باسقارما باسشىسى الەۋمەتتىك جەلىلەردە تاراعان جالعان حابارلامالار تۋرالى اڭگىمەلەدى.

«الەۋمەتتىك جەلىلەر مەن مەسسەندجەرلەردەگى تەمىرتاۋدا كوروناۆيرۋستىق ينفەكتسيانىڭ 2 جاعدايى تىركەلدى دەگەن اقپاراتتىڭ جالعان ەكەنىن ايتقىم كەلەدى. ءبىز كۇن سايىن ءبىز سىزدەرمەن كەزدەسىپ، ەپيدەميالىق جاعدايداعى وزگەرىستەر تۋرالى سەنىمدى اقپارات تاراتىپ ءجۇرمىز. دۇربەلەڭگە بوي الدىرماڭىز، جالعان تاراتپاڭىز. سەبەبى قر قولدانىستاعى زاڭناماسىنا سايكەس، بۇل ءۇشىن قىلمىستىق جاۋاپكەرشىلىك كوزدەلگەن»، - دەدى ول.

قازىرگى ۋاقىتتا قاراعاندى وبلىسىندا 124 ادامعا تاۋلىك بويى باقىلاۋ جۇرگىزىلۋدە.

ءۇي كارانتينىندە 31 ادام، 249 ادام – وقشاۋلاۋسىز مەديتسينالىق باقىلاۋدا، 277 ادام – تەلەفون ارقىلى قاشىقتتان باقىلاۋعا الىندى. ءۇي كارانتينىندە وتىرعاندار Damumed ءموبيلدى قوسىمشاسى ارقىلى ءوز جاعدايىن باقىلاي الادى. پايدالانۋشى دەنساۋلىعى تۋرالى كۇندەلىكتى اقپاراتتى تولتىرادى جانە بۇل دەرەك ەمدەۋشى دارىگەرگە قولجەتىمدى بولادى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ۇقساس جاڭالىقتار