ۇلكەن كىسىلەردى, بالالار ءۇيى تاربيەلەنۋشىلەرى مەن ارناۋلى اۋرۋحانالارداعى ناۋقاستاردى قاجەتتى زاتتارمەن ۇزبەي قامتاماسىز ەتۋگە باسا كوڭىل بولگەن ءجون دەدى ەلباسى.
«ەلىمىزدىڭ كومەككە مۇقتاج ءاربىر ازاماتىنا قامقورلىق كورسەتىلۋگە ءتيىس. قازاقستاندىقتار قيىن كەزەڭدەردە ءاردايىم ءبىر-بىرىنە جاردەمدەسكەن. بۇل ىسكە ەرىكتىلەر قوزعالىسىنىڭ وكىلدەرى دە اتسالىسادى دەپ سەنەمىن» دەدى ن.نازارباەۆ.
سونداي-اق ەلباسى ءبىز پاندەميامەن كۇرەستىڭ الدىڭعى شەبىندە جۇرگەن دارىگەرلەر مەن مەدبيكەلەردى, قۇقىق قورعاۋ ورگاندارى مەن اسكەري قىزمەتكەرلەردى قولداۋىمىز كەرەك ەكەنىن ەسكە سالدى.
«ولاردىڭ يىعىنا اۋىر جۇك ءتۇسىپ, زور جاۋاپكەرشىلىك ارتىلىپ وتىر. جۇرتشىلىقتىڭ ولارعا كومەكتەسىپ, تۇسىنىستىك تانىتۋعا جانە بارلىق نۇسقاۋىن جاۋاپكەرشىلىكپەن ورىنداۋعا تىرىسقانى ءجون» دەدى تۇڭعىش پرەزيدەنت.
