اگرارشىلاردىڭ بولجامىنشا, اقمولا القاپتارىنىڭ بەرەكەسى بيىل دا مولىنان بولماق. ەندىگى مىندەت ماڭداي تەرمەن جينالاتىن استىقتىڭ قوزعالىسىن قاداعالاپ, ونى تۇتىنۋشىعا توقتاۋسىز جەتكىزۋ ەكەندىگى بەلگىلى. بۇل ورايدا تەمىرجولشىلار اتقارار شارۋا وتە جاۋاپتى. ويتكەنى, تمد ەلدەرىندە, ەۋرووداقتا, تاياۋ شىعىس پەن ورتالىق ازيادا اقمولا استىعىنا سۇرانىس جوعارى.
اگرارشىلاردىڭ بولجامىنشا, اقمولا القاپتارىنىڭ بەرەكەسى بيىل دا مولىنان بولماق. ەندىگى مىندەت ماڭداي تەرمەن جينالاتىن استىقتىڭ قوزعالىسىن قاداعالاپ, ونى تۇتىنۋشىعا توقتاۋسىز جەتكىزۋ ەكەندىگى بەلگىلى. بۇل ورايدا تەمىرجولشىلار اتقارار شارۋا وتە جاۋاپتى. ويتكەنى, تمد ەلدەرىندە, ەۋرووداقتا, تاياۋ شىعىس پەن ورتالىق ازيادا اقمولا استىعىنا سۇرانىس جوعارى.
«قازاقستان تەمىر جولى» اق-تىڭ اقمولا بولىمشەسىنەن الىنعان دەرەكتەر بويىنشا, وبلىس اۋماعىندا 30 استىق تيەۋ-ءتۇسىرۋ ستانساسى, ونىڭ ىشىندە تۇيىق جولمەن بايلانىساتىن 23 ەلەۆاتور مەن 20 استىق قابىلداۋ كاسىپورنى بار. بۇلاردىڭ قاتارىندا اقكول, ماكينكا, بۋراباي كۋرورتى, قىرىقىنشى, ازات, جاقسى, اتباسار, جالتىر, ەركىنشىلىك ستانسالارى اناعۇرلىم ىرىلەر قاتارىنا جاتادى. سونداي-اق, «اپك-ينۆەست», «گرەين ترەيد», «قازاقستاندىق استىق كومپانياسى», «قازەكسپورتاستىق», «ۆيتالمار», «اگروستارگرەين», «ازيا اگروفۋد» جاۋاپكەرشىلىگى شەكتەۋلى سەرىكتەستىكتەرى تۇراقتى استىق ءجونەلتۋشىلەر ساناتىندا بولسا, «تنك اگروفيرماسى», «كولۋتون», «ينتەر ترايد», «باۆا», «گرەسسا», «ليمار اگرو» سەرىكتەستىكتەرى سىرتقا ۇن شىعارۋدا تابىستى جۇمىس ىستەۋدە.
تاياۋدا وبلىس اكىمىنىڭ ءبىرىنشى ورىنباسارى راشيت اكىموۆ ءوتكىزگەن ماجىلىستە اتالعان كاسىپورىنداردىڭ بارلىعى استىق قابىلداۋعا 100 پايىز دايىن ەكەندىگى ايتىلدى. ايتكەنمەن, قولدا بار استىقتىڭ قوزعالىسى توقتاۋسىز جۇرگىزىلۋى كەرەك. ويتكەنى, قويمالاردىڭ جالپى سىيىمدىلىعى 3,5 ميلليون توننا, ال كۇز ىرىزدىعى 5 ميلليون توننادان اسادى دەپ كۇتىلۋدە.
بۇل ورايدا, اقمولالىق تەمىرجولشىلارعا ىرزالىق بىلدىرۋگە بولاتىنداي. بيىلعى 7 ايدىڭ ءوزىندە 19639 ۆاگون تيەلىپ, 1320513 توننا استىق تاسىمالدانىپتى. ونىڭ ىشىندە ىشكى رىنوكقا 490196 توننا, ەكسپورتقا 830317 توننا باعالى ءونىم جونەلتىلگەن. وسى ورايدا, اقتاۋ پورتى ارقىلى يرانعا 63441 توننا استىق جەتكىزىلگەنىن بولەكتەپ ايتۋعا بولادى. مۇنداعى نەگىزگى ۇلەس «قازتەمىرترانس» اق-تىڭ ۆاگون پاركىنە تيەسىلى.
تەمىرجولشىلار بيىلعى استىق تاسىمالىنا 7476 ۆاگوندى تۇراقتى تۇردە ساپارعا شىعارىپ وتىرماق. مۇنىڭ 1361-ءى 2012-2013 جىلدارى ساتىپ الىنعان ۆاگوندار. بۇعان قوسىمشا, «قازاقستان تەمىر جولى» اق رەسەيدىڭ «رۋساگروترانس» جاق, «تەحنوترانس» ااق, ورتا ازيا مەملەكەتتەرىنىڭ, ازەربايجان مەن گرۋزيانىڭ ۆاگوندارىن پايدالانۋ جونىندە كەلىسسوز جۇرگىزدى. سونداي-اق, ەل اۋماعىندا جاڭا تەمىر جول تارماقتارىنىڭ ىسكە قوسىلۋى جانە تاريفتەردىڭ اناعۇرلىم تومەندەگەنى ورتاق ىسكە سەرپىن بەرەتىنى انىق.
باقبەرگەن امالبەك,
«ەگەمەن قازاقستان».
اقمولا وبلىسى.
