ماڭعىستاۋدىڭ اششى شوبىنە جۋساپ, ءشول دالاسىندا جەتىلگەن اداي جىلقىلارى سوڭعى جىلدارى ەل مەرەيىن ءوسىرىپ, سپورتتاعى جەڭىستى جولدى جالعاستىرىپ كەلەدى. شىلدە ايىنىڭ ىستىعىندا ماڭعىستاۋدان جولسوقتى بوپ سوناۋ ماسكەۋگە جەتكەن جىلقىلارىمىز رەسەي ەلىنىڭ تاڭدايىن تاعى دا قاقتىرىپ ورالدى.
ماڭعىستاۋدىڭ اششى شوبىنە جۋساپ, ءشول دالاسىندا جەتىلگەن اداي جىلقىلارى سوڭعى جىلدارى ەل مەرەيىن ءوسىرىپ, سپورتتاعى جەڭىستى جولدى جالعاستىرىپ كەلەدى. شىلدە ايىنىڭ ىستىعىندا ماڭعىستاۋدان جولسوقتى بوپ سوناۋ ماسكەۋگە جەتكەن جىلقىلارىمىز رەسەي ەلىنىڭ تاڭدايىن تاعى دا قاقتىرىپ ورالدى.
تابيعاتىنان جۇيرىك جاراتىلعان بۇل جىلقى تۇقىمىنىڭ قاسيەتى ەرتەرەك مويىندالعانمەن, ولاردىڭ نەبىر دودالاردا جۇلدە سالعان جەڭىسى حالىق اراسىندا اڭىزداي تارالعانىمەن, سوڭعى 50-60 جىل بويى جابۋلى قازان جابۋلى كۇيىندە كەلگەن. اۋىل اراسىندا بىرىنەن-ءبىرى وزىپ يەسىن قۋانتقانى بولماسا, ەل ءۇشىن سىنعا ءتۇسۋدىڭ اۋىلى الىس قالدى. ءتىپتى ۇلى وتان سوعىسى جىلدارىندا س ۇلىكتەي سۇلۋلارى مەن تۇياعىنىڭ جەلى بار جۇيرىكتەرى توپ-توبىمەن مايدانعا الىنىپ, توز-توز بولعانى دا بار. اداي جىلقىلارىنىڭ قايتادان بوي كورسەتىپ, باۋىر جازۋى سوڭعى 1-2 جىلدىقتا بوي كورسەتە باستادى. بىراق, وسى از ۋاقىت كوپ جۇلدە اكەلدى. وتكەن جىلدارى الىس قاشىقتىقتا تمد كۋبوگىن, قازاقستان رەسپۋبليكاسى پرەزيدەنتى كۋبوگىن جەڭىپ العان جىلقىلار بيىل تاعى دا تمد كۋبوگى ءۇشىن ماسكەۋگە اتتانعان بولاتىن.
ماڭعىستاۋدان بارعان التى جىلقىنىڭ تورتەۋى 80 شاقىرىمدىق, ەكەۋى 160 شاقىرىمدىق بايگەدە رەسەي, بەلورۋسسيا, ۋكراينا ەلدەرىنىڭ جۇيرىكتەرىمەن جارىسقا ءتۇستى.
بۇل جولى قازاقستاننىڭ مەرەيىن كوتەرۋ تاعى دا «ويلى» اتتى تۇلپارعا بۇيىرىپتى. بۇعان دەيىن قاتارىنان ەكى رەت رەسەي ەلىنەن جۇلدەمەن ورالعان «ويلى» 160 شاقىرىمدىق جارىستا الدىنا قارا سالماي, مارە سىزىعىن دارا كەسىپ وتكەن.
بۇرىن ءبىر ەمەس بىرنەشە رەت ەلىنە, جانكۇيەرىنە جۇلدە سىيلاعان تۇلپارلاردىڭ يەلەرى مەن شاباندوزدارىن وبلىس اكىمى ا.ايدارباەۆ قابىلداپ, ماراپاتتادى.
ماڭعىستاۋ ماقتانىشىنا اينالعان جىلقىلاردىڭ بابى كەلىسسە, باعى جانىپ, جۇلدىزى جارقىراي تۇسەتىنى انىق.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
