وزگەرىستەر, ەڭ الدىمەن, كەلەسى قىزمەتتەرگە قاتىستى:
1. جاسىنا بايلانىستى زەينەتاقى تولەمدەرىن تاعايىنداۋ;
2. مەملەكەتتىك بازالىق زەينەتاقى تولەمىن تاعايىنداۋ;
3. جۇكتىلىككە جانە بوسانۋعا بايلانىستى تابىسىنان ايىرىلعان جاعدايدا الەۋمەتتىك تولەمدەردى تاعايىنداۋ;
4. مەملەكەتتىك اتاۋلى الەۋمەتتىك كومەك تاعايىنداۋ;
5. جەرگىلىكتى وكىلدى ورگانداردىڭ شەشىمدەرى بويىنشا مۇقتاج ازاماتتاردىڭ جەكەلەگەن ساناتتارىنا الەۋمەتتىك كومەك تاعايىنداۋ;
6. كوپبالالى وتباسىلارعا مەملەكەتتىك جاردەماقى تاعايىنداۋ.
قاعاز فورماتتا كورسەتىلەتىن قىزمەتتى الۋعا ءوتىنىش بەرۋ ءۇشىن پورتالدا اۆتوريزاتسيادان ءوتۋ قاجەت, ول egov.kz ەلەكتروندىق تسيفرلىق قولتاڭبانىڭ (بۇدان ءارى – ەتسق) كومەگىمەن جۇزەگە اسىرىلادى. ودان ءارى وڭ جاق جوعارعى بۇرىشىندا ءسىزدىڭ ءتاا-عا كۋرسوردى قويعان كەزدە ءتىزىم اشىلادى, «ەلەكتروندىق وتىنىشتەر» دەگەنگە باسۋ قاجەت.
ءارى قاراي, «ونلاين قىزمەتكە تاپسىرىس بەرۋ» باتىرماسىن پايدالانۋ كەرەك, سودان كەيىن بارلىق وتىنىشتەرىڭىز بويىنشا جەكە كابينەت اشىلادى. سول بولىمدە ءتيىستى باتىرمانى پايدالانىپ جاڭا ءوتىنىم جاساي الاسىز.
جاڭا ءوتىنىشتى قۇرۋ بەتىندە كەلەسى جولداردى تولتىرۋ قاجەت بولادى:
- پوشتا ادرەسى – ءوتىنىش اۆتورىنىڭ ناقتى تۇراتىن مەكەنجايى (ەلدىمەكەن, كوشە, ءۇي, پاتەر ءنومىرى);
- تەلەفون-ءوتىنىش اۆتورىنىڭ ۇيالى تەلەفونى;
- ء وڭىر-اشىلاتىن تىزىمنەن ۋاكىلەتتى مەملەكەتتىك ورگان ورنالاسقان ءوڭىر تاڭدالادى;
- الۋشى-قىزمەتتى الۋ بويىنشا ءوتىنىش جىبەرىلەتىن مەملەكەتتىك ورگاننىڭ اتاۋى;
- مازمۇنى – مەملەكەتتىك كورسەتىلەتىن قىزمەتتىڭ اتاۋى;
فايل – وتىنىشكە قوسىمشالار: مەملەكەتتىك قىزمەتتى الۋ ءۇشىن قاجەتتى قۇجاتتاردىڭ سكان-كوشىرمەلەرى.
قورىتىندى ارەكەت ەتسق كومەگىمەن وتىنىمگە قول قويۋ بولادى. «سەرتيفيكاتتى تاڭداۋ» باتىرماسىن باسىڭىز جانە اتاۋى «RSA...» دەپ باستالاتىن فايلدى تاڭداڭىز, سودان كەيىن جۇيە قۇپيا ءسوزدى ەنگىزۋدى سۇرايدى.
ءوتىنىش بەرۋ ناتيجەسىندە ءسىزدىڭ ءوتىنىشىڭىزدىڭ مارتەبەسى جەكە كابينەتتە كورسەتىلەدى.
سۇراقتار تۋىنداعان جاعدايدا حالىققا قىزمەت كورسەتۋ ورتالىقتارىنىڭ نەمەسە حالىقتى جۇمىسپەن قامتۋ ورتالىقتارىنىڭ قىزمەتكەرلەرى ازاماتقا Whatsapp مەسسەندجەرى ارقىلى بەينە قوڭىراۋ شالادى.
