پرەزيدەنت ەكونوميكانى تۇراقتاندىرۋ جونىندەگى ودان ارعى شارالاردى بەكىتتى

«الەۋمەتتىك-ەكونوميكالىق تۇراقتىلىقتى قامتاماسىز ەتۋ جونىندەگى شارالار تۋرالى» قازاقستان رەسپۋبليكاسى  پرەزيدەنتiنىڭ 2020 جىلعى 16 ناۋرىزداعى № 286  جارلىعىنا سايكەس قاۋلى ەتەمIن:

1. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ پرەزيدەنتىمەن كەلىسۋ بويىنشا:

1) سالىق تولەۋشىلەردىڭ جەكەلەگەن ساناتتارى ءۇشىن سالىق مولشەرلەمەلەرىن بەلگىلەسىن, سالىق بازاسىن, سالىق سالۋ وبەكتىلەرىن, سالىقتىق كەزەڭدى ايقىنداۋ جانە سالىقتىق مىندەتتەمەلەردى ورىنداۋ ءتارتىبىن;

2) وسى تارماقتىڭ 1) تارماقشاسىندا كورسەتىلگەن سالىق تولەۋشىلەردىڭ جەكەلەگەن ساناتتارىن;

3) مەملەكەتتىك بيۋدجەتتى قالىپتاستىرۋدىڭ, ناقتىلاۋدىڭ جانە اتقارۋدىڭ ەرەكشە ءتارتىبىن;

4) مەملەكەتتىك ساتىپ الۋدىڭ ارنايى ءتارتىبىن ايقىنداسىن.

2. قازاقستان رەسپۋبليكاسىنىڭ ۇكىمەتىنە:

1) قازاقستان رەسپۋبليكاسىنىڭ ۇكىمەتى ايقىندايتىن تارتىپپەن, شەكتى تاريفتەردى جانە قازاقستان رەسپۋبليكاسىنىڭ حالقى مەن ەكونوميكاسىنىڭ ۇزدىكسىز تىنىس-تىرشىلىگىن قامتاماسىز ەتۋگە قاجەتتى ازىق-ت ۇلىك پەن باسقا دا تاۋارلارعا باعالاردى بەلگىلەۋ;

2) قازاقستان رەسپۋبليكاسىنىڭ حالقى مەن ەكونوميكاسىنىڭ ۇزدىكسىز تىنىس-تىرشىلىگىن قامتاماسىز ەتۋگە قاجەتتى تاۋارلاردى اكەلۋ مەن اكەتۋ ءتارتىبىن ايقىنداۋ قۇقىعى بەرىلسىن.

3. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ق.توقاەۆ

نۇر-سۇلتان, اقوردا, 2020 جىلعى 16 ناۋرىز

№ 287