قوستانايدا وسىنداي وقيعا بولدى. بۇل قىلمىستىق ءىس سوت الدىنا كەلدى. ولاردىڭ اراسىندا پوليتسيانىڭ ۇساق قىزمەتكەرلەرى عانا ەمەس, سونىمەن قاتار وبلىستىق ىشكى ىستەر دەپارتامەنتىنىڭ بەلدى ادامدارى دا بار.
قوستانايدا وسىنداي وقيعا بولدى. بۇل قىلمىستىق ءىس سوت الدىنا كەلدى. ولاردىڭ اراسىندا پوليتسيانىڭ ۇساق قىزمەتكەرلەرى عانا ەمەس, سونىمەن قاتار وبلىستىق ىشكى ىستەر دەپارتامەنتىنىڭ بەلدى ادامدارى دا بار.
مۇنداي ماسقارانى ىشكى ىستەر مينيسترلىگى بۇرىن-سوڭدى باستان كەشكەن ەمەس. 13 ادامنان قۇرالعان بۇل ۇيىمداسقان قىلمىستىق توپ قوستاناي وبلىسىندا ەسىرتكى زاتتارىن تاراتۋمەن اينالىسىپ كەلگەن. پوگون تاققان «قۇبىجىقتاردى» ۇلتتىق قاۋىپسىزدىك قىزمەتكەرلەرى ۇستادى. الدىمەن تورعا رەزيدا اسىلباەۆا, الەۆتينا پەترەنكو جانە نادەجدا كيسەلەۆا ەسىمدى ايەلدەر ءتۇستى. سودان سوڭ شەڭبەر شيراتىلىپ سالا بەردى. كەيىن انىقتالعانداي, ايماققا اكەلىنەتىن بارلىق ەسىرتكى تاسىمالىندا پوليتسەيلەردىڭ قاتىسۋى بار بولىپ شىقتى. ءتىپتى, بۇلارسىز بۇل جاسىرىن ساۋدا جۇرمەيدى ەكەن. قۇقىق قورعاۋشىلاردىڭ ءبىرى وسى ىستە قالقان بولسا, ەكىنشىسى, كوزىن جۇما قاراعان, ال ءۇشىنشىسى, ەسىرتكىنى تىكەلەي اينالىمعا جىبەرۋمەن اينالىسقان.
تەرگەۋ قورىتىندىسىندا 34 قىلمىستىق ءىس قوزعالىپ, ول بويىنشا 37 ادام كۇدىكتى رەتىندە اتالدى. بۇلاردىڭ 13-ءى پوليتسيا قىزمەتكەرلەرى ەكەن.
وسى اتىشۋلى ءىس كۇنى كەشە سوتقا وتكىزىلدى. دۇربەلەڭى كۇشتى وسى ماسەلەنى وبلىستىق سوتتىڭ توراعاسى اسىلبەك جۇماعۇلوۆتىڭ ءوزى قارايتىن بولىپتى. ەندى تاياۋ كۇندەردە سوتتىڭ ءبىرىنشى تىڭداۋى وتكىزىلەدى.
قۇرىش نۇرىمبەت.
