پەتروپاۆل قالاسىنىڭ ىرەتاسى قالانعان كۇن جۇرتشىلىقتىڭ بەلسەنە قاتىسۋىمەن اتاپ ءوتىلدى. مەرەكەلىك شەرۋ قاراساي باتىر اتىنداعى ستاديوندا باستالىپ, جەرگىلىكتى تەاتر ارتىستەرىنىڭ ويىن-ساۋىق باعدارلاماسىمەن اشىلدى.
پەتروپاۆل قالاسىنىڭ ىرەتاسى قالانعان كۇن جۇرتشىلىقتىڭ بەلسەنە قاتىسۋىمەن اتاپ ءوتىلدى. مەرەكەلىك شەرۋ قاراساي باتىر اتىنداعى ستاديوندا باستالىپ, جەرگىلىكتى تەاتر ارتىستەرىنىڭ ويىن-ساۋىق باعدارلاماسىمەن اشىلدى.شاھاردىڭ بۇرىنعى ومىرىنەن سىر شەرتەتىن كورىنىستەر اسەم جاراسىم تاپتى. توي-دۋمان ودان ءارى دەمالىس ءجانە مادەنيەت ساياباعىندا جالعاسىپ, بۇلدىرشىندەر الاتاۋدىڭ باۋرايىنان كەلگەن قازاق مەملەكەتتىك تسيركى مەن مۇتىرعانوۆتار اۋلەتىنىڭ ونەرلەرىن قىزىعا تاماشالادى. ورتالىق كوشەلەردە ساپ تۇزەپ وتكەن سپورتشىلار, ۆەلوسيپەدشىلەر, ونەر ۇجىمدارىنىڭ شەرۋى ۇمىتىلماس اسەر قالدىردى. مەرەكەلىك شارالاردىڭ ءبىرى – رەسەيلىك انشىلەردىڭ «ححI عاسىر تەنورلارى» ارت-جوباسىن تاماشالاۋشىلار قاتارى قالىڭ بولدى.
س.مۇقانوۆ اتىنداعى كىتاپحانا الدىندا قالانىڭ ۇزدىك شاحماتشىلارى كۇش سىناسسا, تاريحي-ولكەتانۋ مۇراجايىنىڭ قىزمەتكەرلەرى اشىق اسپان استىندا كورمە ۇيىمداستىردى. كوكشەتاۋ, پاۆلودار, رەسەيدىڭ قورعان قالالارىنىڭ كوركەمونەرپازدارى «ءبىز ساعان ءان سالامىز, پەتروپاۆل!» كونتسەرتتىك باعدارلاما, ال جەرگىلىكتى جاستار فلەش-موب ۇسىندى. پەستروە كولى جاعاسىندا ورنالاسقان «سولتۇستىك جۇلدىزى» ساياباعىنا ون مىڭداي ادام جينالىپ, ءتۇرلى مادەني, سپورتتىق سايىستاردى قىزىقتادى.
پەتروپاۆل قالاسى كۇنىنە ارنالعان مەرەكەلىك شارا وتاندىق ەسترادا جۇلدىزدارىنىڭ كونتسەرتىنە ۇلاسىپ, فايەر شوۋ جانە وتشاشۋمەن اياقتالدى.
سولتۇستىك قازاقستان وبلىسى.
