ەكونوميكا • 11 ناۋرىز، 2020

2019 جىلى ەلەكتروندىق اقشانى پايدالانعان وپەراتسيالار سانى ۇشتەن بىرگە ءوستى

22 رەتكورسەتىلدى

بۇگىنگى تاڭدا قازاقستان نارىعىندا جيىرما بەس ەلەكتروندىق اقشا جۇيەسى جۇمىس ىستەۋدە، ولاردىڭ ەميتەنتتەرى 10 بانك جانە «قازپوچتا» اق بولىپ تابىلادى. 2019 جىلى مىناداي سەگىز جاڭا ەلەكتروندىق اقشا جۇيەسى جۇمىس ىستەي باستادى: «Senim»، «AlmaPay»، «Onay Pay»، «Onە Click»، «كازەۆروموبايل»، «Innoforce systems»، «WebMoney Kazakhstan» جانە «Silkpay». بۇل تۋرالى Nationalbank.kz حابارلادى.

2019 جىلى ەلەكتروندىق اقشا جۇيەلەرىنىڭ ەميتەنتتەرى 572،8 ملرد تەڭگە سوماسىنا ەلەكتروندىق اقشا شىعاردى، بۇل الدىڭعى جىلدىڭ كورسەتكىشتەرىنەن 10%-عا اسادى.

ەلەكتروندىق اقشا جۇيەلەرى ارقىلى 580،2 ملرد تەڭگە سوماسىنا 174،9 ملن ترانزاكتسيا (2018 جىلمەن سالىستىرعاندا وپەراتسيالار سانى بويىنشا ءوسۋى 29،5%) جۇرگىزىلدى. بۇل وپەراتسيالار جەكە تۇلعالاردىڭ اراسىنداعى اۋدارىمداردى جانە زاڭدى تۇلعالار مەن دارا كاسىپكەرلەردىڭ پايداسىنا تاۋارلار مەن قىزمەتتەر ءۇشىن اقى تولەۋدى قامتيدى.

قازاقستاندىق ەلەكتروندىق اقشا جۇيەلەرى ارقىلى جۇرگىزىلگەن بارلىق وپەراتسيالاردىڭ 65%-ى ينتەرنەتتە، 16%-ى – موبيلدىك قوسىمشالار ارقىلى، 19%-ى – ەلەكتروندىق تەرمينالدار پايدالانىلا وتىرىپ جۇرگىزىلەدى. وتاندىق نارىقتا قىزمەتىن جۇزەگە اسىراتىن جيىرما بەس ەلەكتروندىق اقشا جۇيەسىنىڭ ىشىندە جيىرما ەلەكتروندىق اقشا جۇيەسىنىڭ وپەراتورلارى تولەم ۇيىمدارى بولىپ تابىلادى. وسى ەلەكتروندىق اقشا جۇيەلەرى ارقىلى 2019 جىلى 410،4 ملرد تەڭگە سوماسىنا تولەمدەر جۇرگىزىلدى، بۇل – بارلىق جۇمىس ىستەپ تۇرعان ەلەكتروندىق اقشا جۇيەلەرى اينالىمىنىڭ 70%-ى.

نارىقتىڭ وسى سەگمەنتىنىڭ 90%-ىنان استامىن يەلەنەتىن اسا ءىرى ەلەكتروندىق اقشا جۇيەلەرى: «Kaspi Bank»، «VISA QIWI WALLET»، «WOOPPAY»، «ليچنايا كاسسا» جانە «W1 Kazakhstan».

قازاقستاندا ەلەكتروندىق اقشا ينتەرنەت كوممەرتسياعا، كوممۋنالدىق قىزمەتتەرگە، ۇيالى بايلانىسقا، كرەديتتەردى وتەۋگە جانە باسقالارعا اقى تولەۋ ءۇشىن پايدالانىلادى.

سوڭعى جاڭالىقتار

ەرتەڭ قىزىلوردادا كۇن كۇرت ىسيدى

ايماقتار • بۇگىن، 17:22

اقمولادا 3 ادام سۋعا كەتتى

ايماقتار • بۇگىن، 13:42

كۇلكى (تريپتيح)

ادەبيەت • بۇگىن، 10:30

ۇقساس جاڭالىقتار