وسى كۇندەرى قىتايدىڭ نانكين قالاسىندا جاسوسپىرىمدەر اراسىندا ءوتىپ جاتقان ءىى جازعى ازيا ويىندارىندا قازاقستان قۇراماسى العاشقى التىن جۇلدەنى يەلەندى.
وسى كۇندەرى قىتايدىڭ نانكين قالاسىندا جاسوسپىرىمدەر اراسىندا ءوتىپ جاتقان ءىى جازعى ازيا ويىندارىندا قازاقستان قۇراماسى العاشقى التىن جۇلدەنى يەلەندى.
ستەند اتۋدان سكيت باعدارلاماسى بويىنشا سپورتشىمىز الەكساندر مۇحاماديەۆ ازيا ويىندارىنىڭ چەمپيونى اتاندى. وسى سىندا ءبىزدىڭ تاعى ءبىر وتانداسىمىز داۆيد پوشيۆالوۆ قولا جۇلدەگە يە بولدى. ال ەكىنشى ورىندى كاتارلىق حالەد ءال-مۋنسارري ەنشىلەدى. مۇنىڭ الدىندا, ياعني ازيادانىڭ العاشقى كۇنى ءبىزدىڭ قۇراما قولا مەدال العان بولاتىن. بۇل جۇلدەنى دزيۋدودان 55 كيلوعا دەيىنگى سالماقتا سىنعا تۇسكەن اناتولي دۋراچەنكو جەڭىپ الدى. ول سوڭعى كەزدەسۋىندە تاي سپورتشىسىن ۇتتى.
قازىر ءبىزدىڭ قورجىنىمىزدا 1 التىن, 2 قولا مەدال بار. جالپى ەسەپتە ازىرگە بەسىنشى ورىندا كەلەمىز.
قازاقستاندىق تەننيسشىلەر دە ءىى جازعى ازيا ويىندارىن جاقسى باستادى. ازيادانىڭ العاشقى كۇنى «Team Kazakhstan» كومانداسىنىڭ وكىلدەرى دميتري پوپكو سيريالىق كارەم الالافتى 6:1,6:2 ەسەبىمەن ۇتسا, رومان حاسانوۆ كاتارلىق ابدۋللا الماحموۋدتان 6:4, 6:0 ەسەبىمەن باسىم ءتۇستى.
كەشە «Team Kazakhstan» كومانداسىنىڭ مۇشەلەرى ءاسيا دايىر مەن اناستاسيا ەپيشەۆا شيرەك فينالدىڭ جولداماسىن ساراپقا سالدى. جۇپتىق جارىستا ءاسيا مەن دميتري پوپكو قىتايلىق ۆونگ چونگ پەن يۋن حەي ليگە قارسى وينادى. تاعى ءبىر اقپارات, گاندبولدان قازاقستان قىزدار قۇراماسى العاشقى ويىنىندا تايلاند كومانداسىن 25:12 ەسەبىمەن ۇتتى.
جاسوسپىرىمدەر اراسىنداعى ازيا ويىندارى العاش رەت 2009 جىلى سينگاپۋردە وتكەن بولاتىن. سودان بەرى ول ازيا وليمپيالىق كەڭەسىنىڭ تۋى استىندا ءتورت جىلدا ءبىر رەت ءوتىپ كەلەدى.
بيىلعى ازيادانىڭ باعدارلاماسىندا تەننيستەن باسقا سپورتتىڭ 16 ءتۇرى قامتىلعان. وعان 45 ەلدىڭ وكىلدەرى قاتىسۋدا.
داستان كەنجالين,
«ەگەمەن قازاقستان».
سۋرەتتە: الەكساندر مۇحاماديەۆ.
