ەلىمىزدە ەندىگى جەردە جول اپاتتارىنىڭ سانى ازايۋى مۇمكىن. استانالىق ستۋدەنت ونىڭ الدىن الاتىن جاڭا بەلدىك ويلاپ تاپتى. بۇل تۋرالى «جەتىنشى» تەلەارنا حابارلادى.
بۇل جاڭا بەلدىك قاراڭعىدا اينالاعا جارىق بەرىپ, جۇرگىزۋشىنىڭ قاۋىپسىزدىك بەلدىگىن تاققان-تاقپاعاندىعىن اڭعارتادى. سونداي-اق ول قارسى بەتتەگى كولىكتەرگە جارىق بەلگى بەرەدى. ونەرتاپقىشتىڭ ويلاپ تاپقان بۇل جوباسىن ىشكى ىستەر مينيسترلىگى بارشا ازاماتقا مىندەتتەۋدىڭ جولدارىن قاراستىرىپ جاتقان كورىنەدى. بەلدىككە جۋىردا پاتەنت بەرىلگەن. «ساقتاندىرۋ كومپانيالارىمەن كەلىسىمگە كەلىپ, بەلدىكتى ءتيىستى باعاعا ساتۋدى جوسپارلاپ وتىرمىن. ولار ءوز كەزەگىندە ونى جۇرگىزۋشىلەرگە سىيعا تارتۋ ەتەدى», - دەيدى ونەرتاپقىش ديانا اۋباكىر.
الگى سىيعا العان بەلدىكتىڭ تىسىنا كولىكتىڭ نومەرى جازىلاتىن بولادى. قازىرگى كەزدە قاۋىپسىزدىك بەلدىگىن تىگەتىن شەبەرحانالارمەن كەلىسىم جۇرگىزىلۋدە. ازىرگە مۇنداي قورعانىشتىڭ الەمدە بالاماسى جوق دەيدى ماماندار.
دانيار تۇيمەباي.
