قازاقستاندىق تەننيسشىلەر قىتايدىڭ نانجين قالاسىندا جاسوسپىرىمدەر اراسىندا ءوتىپ جاتقان ءىى جازعى ازيا ويىندارىن جاقسى باستادى. بۇل تۋرالى EgemenNews ءتىلشىسى شەتەلدىك باق-تار دەرەگىنە سۇيەنىپ حابارلادى.
ازيادانىڭ العاشقى كۇنى «Team Kazakhstan» كومانداسىنىڭ وكىلدەرى دميتري پوپكو سيريالىق كارەم الالافتى 6:1,6:2 ەسەبىمەن ۇتسا, رومان حاسانوۆ كاتارلىق ابدۋللا الماحموۋدتان 6:4, 6:0 ەسەبىمەن باسىم ءتۇستى.
بۇگىن «Team Kazakhstan» كومانداسىنىڭ تاعى ءبىر مۇشەلەرى ءاسيا دايىر مەن اناستاسيا ەپيشەۆا شيرەك فينالدىڭ جولداماسىن ساراپقا سالادى. جۇپتىق جارىستا ءاسيا مەن دميتري پوپكومەن قىتايلىق ۆونگ چونگ مەن يۋن حەي ليگە قارسى وينايدى. جاسوسپىرىمدەر اراسىنداعى ازيا ويىندارى العاش رەت 2009 جىلى سينگاپۋردە وتكەن بولاتىن. سودان بەرى ول ازيا وليمپيالىق كەڭەسىنىڭ تۋى استىندا ءتورت جىلدا ءبىر رەت ءوتىپ كەلەدى.
بيىلعى ازيادانىڭ باعدارلاماسىندا تەننيستەن باسقا سپوتتىڭ 16 ءتۇرى قامتىلعان. وعان 45 ەلدىڭ وكىلدەرى قاتىسۋدا.
داستان كەنجالين.
