سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى تاستانبەك ەسەنتاەۆ سپورت كۇنىنە بايلانىستى وتكەن كەزدەسۋدە كەلەسى جىلى استانادا مۇگەدەك سپورتشىلارعا ارنالعان وليمپيادالىق ورتالىقتىڭ اشىلاتىنىن حابارلادى.
سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى تاستانبەك ەسەنتاەۆ سپورت كۇنىنە بايلانىستى وتكەن كەزدەسۋدە كەلەسى جىلى استانادا مۇگەدەك سپورتشىلارعا ارنالعان وليمپيادالىق ورتالىقتىڭ اشىلاتىنىن حابارلادى.
– كەلەسى جىلى مۇگەدەك سپورتشىلاردىڭ جەتىستىكتەرىن ارتتىرۋعا جاعداي جاسايتىن وليمپيادالىق ورتالىق اشىلادى. قازىر ونىڭ قۇرىلىسىنا ۇكىمەت تاراپىنان 129 ملن. تەڭگە قاراجات ءبولىندى. وزدەرىڭىزگە بەلگىلى, سوڭعى كەزدەرى پاراوليمپيادالىق ءجانە سۋردوليمپيادالىق سپورتشىلارىمىزدىڭ حالىقارالىق ارەناداعى جەتىستىكتەرى كەلەدى. سوندىقتان ولارعا مەملەكەت تاراپىنان ۇلكەن قولداۋ كورسەتىلۋدە, – دەدى ول.
كەزدەسۋدە ول بۇعان دالەل رەتىندە 26 شىلدە مەن 6 تامىز ارالىعىندا بولگاريانىڭ سوفيا قالاسىندا وتكەن سۋردوليمپيادالىق ويىنداردا عابيت ەسجانوۆتىڭ چەمپيون اتانعانىن, ال سۋعا ءجۇزۋدەن پاراوليمپيادالىق سپورتشىلارىمىز وسى كۇندەرى كانادادا ءوتىپ جاتقان الەم چەمپيوناتىندا العاش رەت الەم رەكوردىن جاڭارتقانىن اتاپ ءوتتى. ونىڭ ايتۋىنشا, مۇنىڭ ءبارى ەلىمىزدە مۇگەدەكتەر سپورتىن دامىتۋعا جاسالىپ جاتقان جاعدايدى كورسەتەدى. قازىرگى كەزدە قارجىلاندىرۋ, ۇيىمداستىرۋ جاعىنان بارلىق مۇمكىندىكتەر بار. «سوندىقتان قازاقستاندىق مۇگەدەك سپورتشىلار جوسپار بويىنشا, بەلگىلەنگەن جارىستاردىڭ بارلىعىنا قاتىسۋدا», – دەدى ول.
