رەسەيدىڭ سوچي قالاسىندا كاسىبي جاۋىنگەرلىك سامبودان ءتورتىنشى حالىقارالىق تۋرنير مارەگە جەتتى. «پلاتفورما S-70» دەگەن اتاۋمەن ءوتكەن بۇل جارىستى «سامبو-70» جانە «League S-70» ءبىلىم بەرۋ ورتالىقتارى ۇيىمداستىردى.
رەسەيدىڭ سوچي قالاسىندا كاسىبي جاۋىنگەرلىك سامبودان ءتورتىنشى حالىقارالىق تۋرنير مارەگە جەتتى. «پلاتفورما S-70» دەگەن اتاۋمەن ءوتكەن بۇل جارىستى «سامبو-70» جانە «League S-70» ءبىلىم بەرۋ ورتالىقتارى ۇيىمداستىردى.
بايراقتى باسەكەگە رەسەي سامبوشىلارىنان بولەك, قازاقستان, ۋكراينا, لاتۆيا, بولگاريا, اۆستريا, ۆەنەسۋەلا, اقش جانە وڭتۇستىك افريكا رەسپۋبليكاسى سەكىلدى ەلدەردىڭ سپورتشىلارى قاتىستى. ونىڭ فينالىندا رەسەيلىك ۆياچەسلاۆ ۆاسيلەۆسكي مەن وڭتۇستىكافريكالىق ترەۆور پرەنگلي كەزدەسىپ, شايقاس الاڭ يەسىنىڭ تەحنيكالىق نوكاۋتىمەن اياقتالدى. بۇلاردىڭ ءبىرىنشىسى رەسەيدىڭ 2012 جانە 2013 جىلدارعى چەمپيونى بولسا, كەلەسىسى برازيليالىق دجيۋ-دجيتسۋدىڭ قارا بەلبەۋىنىڭ يەگەرى ەكەن. ال كوماندالىق سايىستا رەسەي كومانداسى الەم قۇراماسىن 4:1 ەتىپ ۇتتى.
قۇرامالار بۇدان بولەك, ءوزارا ءبىرنەشە جولداستىق كەزدەسۋلەر وتكىزدى. وندا رەسەي مەن قازاقستان جاساقتارى قارسىلاستارىنان ەكى مارتەدەن باسىم تۇسسە, ۋكراينانىڭ باس كومانداسى ءبىر جەڭىسكە قول جەتكىزدى. وسىلايشا قازاق سامبوشىلارى نامىستى قولدان بەرمەدى.
«ەگەمەن-اقپارات».
