ءباسپاسوز قىزمەتىنىڭ مالىمەتتەرىنە قاراعاندا, قازاقستان رەسپۋبليكاسىنىڭ بەلارۋس رەسپۋبليكاسىنداعى ساۋدا-ەكونوميكالىق ميسسياسى شەڭبەرىندە ساۋدا جانە ينتەگراتسيا ۆيتسە-ءمينيسترى قايرات تورەباەۆ «بەلارۋس امبەباپ تاۋار بيرجاسى» ااق باسقارما توراعاسى الەكساندر وسمولوۆسكيمەن كەزدەستى. بەلارۋس امبەباپ تاۋار بيرجاسى بۇگىن – بۇل الەمنىڭ 63 ەلىنەن 22 مىڭنان استام قاتىسۋشى (ەو ەلدەرىنەن ساتىپ الۋشىلاردىڭ نەگىزگى ماسساسى), 56 قازاقستاندىق كومپانيانى قوسا العاندا (وتكەن جىلدىڭ قورىتىندىسى بويىنشا قازاقستاندىق كومپانيالار ءباتب ارقىلى 5,6 ملن.دوللارعا تاۋار ساتقان).
كەزدەسۋ بارىسىندا قايرات تورەباەۆ بەلارۋس بيرجاسىندا قازاقستاندىق ءونىمنىڭ ۇسىنىلۋىن ارتتىرۋ بولىگىندە ءباتب-مەن ىنتىماقتاستىققا قىزىعۋشىلىق ءبىلدىردى. ء«بىز ءتۇرلى ەلەكتروندىق الاڭداردى پايدالانا وتىرىپ, قازاقستاندىق ەكسپورتتى ارتتىرۋعا باعىتتادىق», - دەدى ول. ءوز كەزەگىندە الەكساندر وسمولوۆسكي قازاقستاندىق كومپانيالاردى ءباتب-عا قاتىسۋعا شاقىردى. ء«بىز بيرجانىڭ قىزمەتى تۋرالى ايتۋ ءۇشىن قازاقستانعا شىعۋعا, سونداي-اق قازاقستاندىق وندىرۋشىلەرگە اككرەديتتەۋدەن وتۋگە, ساۋدا-ساتتىققا قاتىسۋ ءۇشىن ولارعا ەلەكتروندىق تسيفرلىق قولتاڭبا بەرۋگە دايىنبىز», - دەدى ول. ول سونداي-اق ساۋدا-ساتتىققا كەلۋشى رەتىندە دە, بيرجالىق بروكەر رەتىندە دە قاتىسۋعا بولاتىنىن حابارلادى.
ول سونداي-اق, بۇگىنگى تاڭدا پوستكەڭەستىك كەڭىستىكتىڭ كوپتەگەن كومپانيالارى بەلارۋسسيالىق ساۋدا الاڭىن ەۋروپالىق نارىققا شىعۋ ءۇشىن پايدالاناتىنىن ايتتى, سەبەبى نەگىزگى ساتىپ الۋشىلاردىڭ باسىم سانىن ليتۆانىڭ, لاتۆيانىڭ, پولشانىڭ جانە ەۋروداعىنىڭ باسقا ەلدەرىنىڭ كومپانيالارى قۇرادى. ول سونداي-اق, اعىمداعى ساتتە بيرجادا شارتتى تۇردە 4 ءىرى توپقا بولىنگەن 4000-عا جۋىق تاۋار توبى: ورمان ءونىمى, مەتالل ءونىمى, اۋىل شارۋاشىلىعى ءونىمى, ونەركاسىپتىك جانە تۇتىنۋ تاۋارلارى ۇسىنىلعانىن حابارلادى.
«تالداۋ كورسەتكەندەي, ءبىزدىڭ بەلارۋستىق ساتىپ الۋشىلار قازاقستاننان مەتالل وڭدەۋ ونىمدەرى, اۋىل شارۋاشىلىعى تاۋارلارى, كومىر سياقتى تاۋارلاردى جەتكىزۋگە قىزىعۋشىلىق تانىتۋدا», - دەدى وسمولوۆسكي. بۇگىنگى تاڭدا قازاقستاندىق كومىردى كوبىنە بيرجادا رەسەيلىك ترەيدەرلەر (الىپساتارلار) ساتاتىنىن اتاپ ءوتتى. تاراپتار بەلارۋس امبەباپ تاۋار بيرجاسىنىڭ الاڭىن پايدالانا وتىرىپ, قازاقستاندىق ەكسپورتتى ءۇشىنشى ەلدەردىڭ نارىعىنا ىلگەرىلەتۋ ماقساتىندا تىعىز ىنتىماقتاستىقتى جولعا قويۋعا ۋاعدالاستى.
