ءىس-شارانىڭ باستاماشىسى بولعان سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتى كەزەكتى اكتسيانى شىمكەنت قالاسى اكىمدىگىنىڭ حالىقتى جۇمىسپەن قامتۋ ورتالىعىندا وتكىزدى.
ماڭىزدى شارادا بەلگىلى ادۆوكاتتار مەن پروكۋراتۋرا, ادىلەت, مەملەكەتتىك قىزمەت, مەملەكەتتىك كىرىستەر, پوليتسيا, دەنساۋلىق ساقتاۋ, ءبىلىم, تۇرعىن ءۇي, جاستار, كاسىپكەرلەر جانە تاعى باسقا دا سالالارداعى ماماندار 100-دەن استام تۇرعىندارعا كەڭەس بەردى.
اكتسياعا كەلۋشىلەردى كوبىنە تۇرعىن ءۇي, الەۋمەتتىك كومەك الۋ, قۇقىق قورعاۋ قىزمەتتەرى, ءبىلىم بەرۋ, دەنساۋلىق ساقتاۋ جانە تاعى باسقا دا سۇراقتار قىزىقتىردى.
سونىمەن قاتار شارا بارىسىندا سىبايلاس جەمقورلىققا قارسى ءىس-قيمىل ماسەلەلەرى بويىنشا اقپاراتتى سەنىپ قالدىرۋعا نەمەسە كەڭەس الۋعا بولاتىن سىبايلاس جەمقورلىققا قارسى ءىس-قيمىل اگەنتتىگىنىڭ 1424 call-ورتالىعىتۋرالى جادىنامالار تاراتىلدى.
ايتا كەتەيىك, ازاماتتارعا قۇقىقتىق كومەك كورسەتۋ ماقساتىندا سىبايلاس جەمقورلىققا قارسى ءىس-قيمىل اگەنتتىگىمەن «ەرىكتىلەر جىلى» اياسىندا «Adal kómek» جوباسى ىسكە قوسىلىپ, اگەنتتىكتىڭ شىمكەنت قالاسى بويىنشا دەپارتامەنتىنىڭ عيماراتىندا (قازىبەك بي كوشەسى,ء3) ار اپتانىڭ سەنبى كۇندەرى ساعات 11.00-13.00 ارالىعىندا «اشىق ەسىك كۇنى» وتكىزىلۋدە.
شىمكەنت
