ەلوردا • 28 اقپان، 2020

ەلوردادا بالا پسيحولوگياسىنا ارنالعان كىتاپتاردىڭ تۇساۋكەسەرى ءوتتى

14 رەتكورسەتىلدى

ەلوردادا «دەنساۋلىق جانە ومىرلىك داعدىلار» سەرياسىنداعى بالالار مەن جاسوسپىرىمدەردىڭ پسيحولوگيالىق دەنساۋلىعىن نىعايتۋ مەن دامىتۋعا باعىتتالعان كىتاپتار تانىستىرىلدى. شارا اياسىندا Bilim Foundation قوعامدىق قورى نۇر-سۇلتان قالاسى ءبىلىم باسقارماسىنا مەكتەپتەرگە ارنالعان 172 كىتاپ جيىنتىعىن تاپسىردى، دەپ حابارلادى قالا اكىمدىگىنىڭ ءباسپاسوز قىزمەتى حابارلادى.


كىتاپتار تاقىرىبى ەسەيۋدىڭ ەڭ وزەكتى ماسەلەلەرىن جانە وسى جولدا كەزدەسەتىن اتا-انالاردىڭ اجىراسۋى، ەموتسيالىق ماسەلەلەر، كوشۋ، مەكتەپتىڭ اۋىسۋى جانە بەيىمدەلۋ، قورقىنىش، ۇرەي، دەپرەسسيا سياقتى تاقىرىپتاردى  قامتيدى.

«بۇل كىتاپتار ءوزىنىڭ ىشكى الەمىن تۇسىنۋگە جانە قورشاعان ورتامەن بايلانىس جاساۋعا ۇيرەتەتىن شىنايى وقيعا كەيىپكەرلەرىمەن، ءارى قىزىقتى سيۋجەتتەرمەن ەرەكشەلەنەدى. ءاربىر كىتاپتا ماسەلەنىڭ پايدا بولۋ مەحانيزمدەرى مەن ونى جەڭۋ ءۇشىن قاجەتتى قاراپايىم ارەكەتتەردى قولجەتىمدى تىلمەن تۇسىندىرەتىن ستراتەگيالار بار. قازاق جانە ورىس تىلدەرىنە اۋدارىلىپ، قازىرگى تاڭدا قولدانۋعا بەرىلىپ، ەكى تىلدە دە بەينەروليك دايىندالدى»، - دەدى Bilim Foundation قوعامدىق قورىنىڭ باسقارۋشى ديرەكتورى بەرىك راقىشەۆ.

اتالعان جيىنتىق قازاقستان رەسپۋبليكاسىنىڭ دەنساۋلىق ساقتاۋ مينيسترلىگىنىڭ رەسپۋبليكالىق عىلىمي-پراكتيكالىق پسيحيكالىق دەنساۋلىق ورتالىعىمەن ماقۇلداندى. ءوز كەزەگىندە نۇر-سۇلتان قالاسى ءبىلىم باسقارماسى باسشىسىنىڭ مىندەتىن اتقارۋشى شولپان قادىروۆا ۇيىمداستىرۋشىلارعا العىسىن جەتكىزىپ، ەلورداداعى بالالار مەن جاسوسپىرىمدەردىڭ پسيحيكالىق ساۋلىعىن ارتتىرۋعا جانە اتا-انالار مەن مۇعالىمدەرگە بالامەن جۇمىستى دۇرىس ۇيىمداستىرۋعا ۇلكەن ىقپال ەتەتىنىن ايتىپ ءوتتى.

شارا سوڭىندا ەكى تاراپ كىتاپتار جيىنتىعىن 88 مەكتەپكە تاراتۋ بويىنشا ىنتىماقتاستىق تۋرالى كەلىسىمگە قول قويىلدى.

سوڭعى جاڭالىقتار

ۇقساس جاڭالىقتار