ايماقتار • 27 اقپان، 2020

ساياباققا كىتاپ ءپىشىندى «سويلەيتىن» ورىندىق قويىلادى

6 رەتكورسەتىلدى

الماتىنىڭ بوستاندىق اۋدانىندا «بيۋدجەتكە قاتىسۋ» جوباسى اياسىندا  كىتاپ ءپىشىندى «سويلەيتىن» ورىندىق جوباسىنا تاڭداۋ جاسالدى.  

كىتاپ پىشىنىندە جاسالعان ورىندىق اۋديوجۇيەلەرمەن قامتاماسىز ەتىلىپ، وندا تانىمال  تاريحي تۇلعالاردىڭ ومىردەرەگى، اندەرى مەن ولەڭدەرى جازىلاتىن بولادى.  ساياباققا كەلىپ، دەمالۋشىلار ورىندىققا جايعاسقان ساتتە اۋديوجازبا ىسكە قوسىلادى، دەلىنگەن inalmaty.kz مالىمەتىندە. تۇڭعىش پرەزيدەنت ساياباعىندا ورنالاستىرۋدى قاراستىرىپ وتىرعان اۋدان اكىمدىگى جوبانىڭ ىسكە اسۋىن ءساۋىر، مامىر ايلارىنا جوسپارلاپ وتىر. قالا شۋىنان تىسقارى، تىنىش ماڭعا قويىلاتىن «سويلەيتىن» ورىندىق ساياباق ءسانىن كەلتىرىپ قانا قويماي، ۇلتتىق مادەني مۇرانى ناسيحاتتاۋعا ىقپال ەتەدى.

جوبانىڭ قۇنى  شامامەن 1 ملن تەڭگە. اۆتور ءوز جوباسىنا تۇركيانىڭ ورىندىق-كىتاپشاسىن ۇلگى ەتىپ العان. مۇنداي ورىندىقتار تۇركيانىڭ بىرنەشە قالاسىندا، سونداي-اق ۇلىبريتانيا مەن رەسەيدىڭ تۋلا قالاسىندا دا  ورنالاسقان.

 

الماتى

سوڭعى جاڭالىقتار

ۇقساس جاڭالىقتار