ەلىمىزدەگى ەڭ الىپ كىتاپ

كولەمى مەن سالماعى جا­عى­نان ەلى­مىزدەگى ەڭ ۇلكەن كى­تاپقا ابايدىڭ قا­را سوزدەرى جيناق­تالعان. 24 بەتتەن تۇ­راتىن كىتاپتىڭ كولەمى – 122 ح 90 سم.

كىتاپتىڭ تۇساۋكەسەر ءراسىمى №167/3 تۇزەتۋ مەكەمەسىندە ءوتتى. كەش­­كى مەكتەپتىڭ ۇستازدار قاۋىمى اقىن­نىڭ ولەڭدەرىن جاتقا وقىپ, پوەزيالىق كەش ۇيىمداستىردى. اننەن شاشۋ شا­شىپ, ونەرلەرىن ور­تاعا سالدى.

«الىپ كىتاپ الداعى اپتادا ال­ماتى قالاسىندا ور­نالاسقان قازاق­ستان رەكورد­تار كىتابىنا تىركەۋگە جىبە­رىلەدى. سەرتيفيكاتتالعان قارا سوزدەر جيناعى, ودان سوڭ, ابايدىڭ تۋعان ەلىنە جەت­كىزىلمەك», دەيد­ى مەكتەپ ديرەكتورى يساق اسانوۆ.

سونداي-اق دانىشپان مۇ­راسىن وسكەلەڭ ۇرپاققا ۇل­گى ەتۋگە ارنالعان ءىس-شا­را­لار­دىڭ ەستافەتاسى وسى اپتادا قا­لالىق سوتتا جالعاسىن تاپتى. «اباي – قازاق قۇقىعى­نىڭ بىلگىرى» ات­تى ەرەكشە فور­­ماتتاعى ءىس-شارادا كەمەڭ­گەردىڭ اعارتۋشى, كلاسسيك قانا ەمەس, قارا قىلدى قاق جارعان ادىلدىگى دە جاڭا قىرىنان تانىلدى.

شىمكەنت قالالىق سو­تىنىڭ توراعا­سى ەربول را­حىم­بەكوۆ اباي مۇ­راسىنىڭ وزەكتىلىگى مەن ماڭىزدى­لىعىن اتاپ ءوتتى. باسقوسۋدا ابايتانۋشى عالىم, فيلولوگيا عىلىم­دارىنىڭ كانديداتى ماقسات ءالىپحان ۇلى, تاريح عىلىمدارىنىڭ كانديداتى, دوتسەنت بارشاگۇل يسابەك ۇلى اباي ولەڭدەرىنىڭ رۋحاني قۇندىلىعىن تانىتا ءتۇستى. فيلوسوفيالىق اڭگىمە­لەرى مەن قارا سوزدەرىنىڭ ماڭىز­دىلىعىنا كەڭىنەن توقتالدى.

قالالىق, اۋداندىق سوت­تار­دىڭ توراعالارى مەن سۋديالارى, زيالى قاۋىم وكىلدەرى, سوت قىزمەتكەرلەرى قاتىسقان شارادا ج.شانين اتىن­داعى قازاق-دراما تەاترىنىڭ اك­تەرى, قازاقستاننىڭ مادەنيەت قاي­رات­كەرى ەركىنبەك شىمىر­قۇلوۆ اباي­دىڭ ۇلتتىڭ مىنەزىن وزەك ەتكەن قارا سوزدەرىنەن ءۇزىن­دى وقىسا, قازاق­ستاننىڭ ەڭ­بەك سىڭىرگەن ءارتىسى قۇر­مان­باي شويىنباەۆ اباي اندەرىن ورىندادى. سونىمەن قاتار جاس­تار دا اقىن ولەڭدەرىن وقىپ, بەلسەندىلىك تانىتتى.

ەلباسىنىڭ «رۋحاني جاڭ­عىرۋ» باعدارلاماسى اياسىندا ۇيىمداس­تىرىلعان ءىس-شا­رادا ستۋدەنتتەر, جوو-نىڭ وقىتۋشىلارى ۇلى اقىن­نىڭ رۋحاني قازىناسىمەن جان-جاقتى­لى تانىسۋعا مۇمكىندىك الدى.

شىمكەنت