ۇيىمداستىرۋشىلار قازىرگى كۇنى شاي الەمدەگى سۋدان كەيىن ەڭ تانىمال جانە كوپ قولدانىلاتىن سۋسىن ءتۇرى رەتىندە تۇرىك اسحاناسىنىڭ جانە مادەنيەتىنىڭ اجىرامايتىن بولشەگىنە اينالعانىن ايتادى. تۇركيا الەم بويىنشا شاي وندىرىۋدە ءتورتىنشى, ال تۇتىنۋدا العاشقى (كىسى باسىنا 3,5 كگ) ورىندى يەلەنەدى. سونداي-اق قازىرگى كۇنى تۇركيادا شامامەن 1 ميلليون ادام شاي ءوندىرىسى نارىعىندا ەڭبەك ەتەدى ەكەن.
تۇرىك شايى – تروپيكالىق ايماقتاردا وسپەيتىن الەمدەگى جالعىز شاي ءتۇرى. تۇركيادا شاي نەگىزىنەن ريزە مەن ترابزون وبلىستارىندا وسەدى. الەمدە كونتينەنتتىك اۋا رايىندا شاي ءوسىرۋ ءداستۇرى تەك قانا تۇركيادا كەزدەسەدى. ارنايى كەرنەۋى جىڭىشكە شىنى ىدىسپەن ىشىلەتىن تۇرىك شايى ەكى قاباتتان تۇراتىن شاينەكتە دەمدەلەدى.
تۇرىك شايىنىڭ گاسترونوميادا الاتىن ەرەكشە ورنىنا بايلانىستى تۇرىك تىلىندە وتە كوپ تۇراقتى تىركەستەر مەن ماقال-ماتەلدەر پايدا بولعان. قازاق تىلىندەگى ابدەن دەمدەلگەن قىزىل كۇرەڭ شايعا تۇرىكشەدە «قويان قانى تۇستەس شاي» دەيدى.
تۇرىك ءشاي ءىشۋ ءداستۇرىنىڭ ەرەكشەلىكتەرى مەن مادەنيەتىن كورسەتەتىن شارا 28 اقپان كۇنى ساع. 12:00-دە وتەدى.
