مۇنداي ستاتيستيكا «براكونەر» جەدەل-الدىن الۋ ءىس-شاراسى بارىسىندا انىقتالدى, ول تابيعاتتى قورعاۋ زاڭناماسىن بۇزۋشىلىقتاردى, بيولوگيالىق رەسۋرستار وبەكتىلەرى مەن ونىمدەرىنىڭ زاڭسىز اينالىمىن انىقتاۋعا جانە جولىن كەسۋگە, ەكولوگيالىق قىلمىستاردى اشۋعا باعىتتالعان.
ماسەلەن, بەينەۋ اۋدانىندا پوليتسيا قىزمەتكەرلەرى قىزىل كىتاپقا ەنگىزىلگەن قاراقۇيرىقتى اتقان براكونەرلەردى ۇستادى. ءتىنتۋ كەزىندە 1 باس قاراقۇيرىق, 16 كاليبرلى ەكى اۋىزدىق مىلتىعى, 23 وق جانە پىشاق تابىلدى.
اتالعان فاكتى بويىنشا قك-ءنىڭ «سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق, پايدالانۋعا تىيىم سالىنعان وسىمدىكتەر مەن جانۋارلار تۇرلەرىن, ولاردىڭ بولىكتەرىن نەمەسە دەريۆاتتارىن زاڭسىز پايدالانۋ» بابى بويىنشا سوتقا دەيىنگى تەرگەۋ باستالدى. كۇدىكتىلەر قاماۋعا الىنىپ, تەرگەۋ شارالارى جۇرگىزىلۋدە. ماتەريال اۋداندىق سوتقا شەشىم قابىلداۋ ءۇشىن جىبەرىلدى.
سونداي-اق, اعىمداعى جىلدىڭ اقپان ايىنىڭ باسىندا اقتاۋ-بەينەۋ-بورانقۇل-اتىراۋ اۆتوجولىندا پوليتسيا قىزمەتكەرلەرى توقتاتقان «تويوتا كامري» ماركالى اۆتوكولىگىنىڭ سالونىنان 9 يتەلگى قۇسى تابىلدى. ۇستالعاندار شىمكەنت قالاسىنىڭ تۋماسى.
كۇدىكتىلەرگە قاتىستى قك-ءنىڭ «زاڭسىز اڭ اۋلاۋ» بابى بويىنشا سوتقا دەيىنگى تەرگەۋ باستالدى. كولىك ايىپتۇراققا جابىلدى. كۇدىكتىلەر تەرگەۋ يزولياتورىنا قامالدى.
ايتا كەتۋ كەرەك, بۇل جانۋارلار ادام اقىلسىزدىعىنىڭ قۇربانى بولعاندىقتان قازاقستاندا قاراقۇيرىقتار مەن يتەلگىلەردىڭ پوپۋلياتسياسى قىزىل كىتاپقا ەنگىزىلگەن.
ماڭعىستاۋ وبلىسى
