ايماقتار • 18 اقپان، 2020

جۇك كولىكتەرى 300 شاقىرىم جولدى جارامسىز ەتتى

443 رەتكورسەتىلدى

تۇركىستان وبلىسىندا اۋىر سالماقتى جۇك كولىكتەرىنىڭ كەسىرىنەن تاس جولداردىڭ 300 شاقىرىمى جارامسىز كۇيگە تۇسكەن. جولعا زاقىم كەلمەۋى ءۇشىن جۇك كولىگىنىڭ سالماعى 8 توننادان اسپاۋى كەرەك. وڭىردە وبلىستىق ماڭىزى بار 1067 شاقىرىم جولدا جۇك كولىكتەرىنە جۇرۋگە رۇقسات ەتىلگەن.

بەلگىلەنگەن تارتىپكە باعىنباي جولعا شىققان اسا اۋىر جۇك كولىكتەرىنىڭ يەلەرىنە ەندى قوماقتى ايىپپۇل سالىناتىن بولادى. وبلىس اكىمىنىڭ ءبىرىنشى ورىنباسارى قوسمان ايتمۇحامەتوۆتىڭ توراعالىعىمەن وتكەن اپپارات ماجىلىسىندە ءتيىستى ورگاندارعا جولداعى اۋىر جۇك كولىكتەرىنىڭ قوزعالىسىن قاتاڭ باقىلاۋعا الۋ جۇكتەلدى. جول قۇرىلىسى-جوندەۋ جۇمىستارىنىڭ اۋقىمى بويىنشا تۇركىستان وبلىسى رەسپۋبليكادا كوش باستاپ تۇر. وتكەن جىلى 1 738 شاقىرىم جول مەن كوشە قۇرىلىس-جوندەۋ جۇمىستارىمەن قامتىلىپ، ونىڭ 1 270،4 شاقىرىمى پايدالانۋعا بەرىلگەن. بيىل 869،8 شاقىرىم جولدا قۇرىلىس-جوندەۋ جۇمىستارى جۇرگىزىلمەك. وڭىردەگى اۆتوموبيل جولدارى مەن ەلدى مەكەن كوشەلەرىنىڭ جالپى ۇزىندىعى – 20 928،9 شاقىرىم. جەرگىلىكتى ماڭىزى بار اۆتوموبيل جولدارىنىڭ جاقسى جانە قاناعاتتانارلىق جاعدايداعى ۇلەسى وتكەن جىلى 74،1 پايىزعا جەتكەن. اتالعان كورسەتكىشتى بيىل 80%-عا جەتكىزۋ كوزدەلۋدە.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار