ەكونوميكا • 15 اقپان، 2020

ەاەو-عا مۇشە مەملەكەتتەر بىرىڭعاي نارىقتىڭ ەڭ جوعارى تيىمدىلىگىن قامتاماسىز ەتۋگە كەلىستى

123 رەتكورسەتىلدى

كەشە ماسكەۋدە 2025 جىلعا دەيىنگى ەۋرازيالىق ەكونوميكالىق ينتەگراتسيانىڭ ستراتەگيالىق باعىتتارىن ايقىندايتىن قۇجات جوباسىن تالقىلاۋ بويىنشا كونسۋلتاتسيالار ءوتتى.

وتىرىستى ەۋرازيالىق ەكونوميكالىق كوميسسيا القاسىنىڭ جاڭا توراعاسى م. مياسنيكوۆيچ وتكىزدى. 

قازاقستاندىق دەلەگاتسيانى قر پرەمەر-ءمينيسترىنىڭ ءبىرىنشى ورىنباسارى – قارجى ءمينيسترى ءا.سمايىلوۆ باسقاردى.  

تالقىلاۋ ناتيجەسىندە ەاەو مۇشە-مەملەكەتتەر ەاەو بىرىڭعاي نارىعىنىڭ تيىمدىلىگىن ارتتىرۋ، وداقتىڭ تسيفرلىق كەڭىستىگىن قۇرۋ، مەملەكەتتىك ساتىپ الۋ مەن ولارعا قولجەتىمدىلىك پروتسەسىن تسيفرلاندىرۋدى قامتاماسىز ەتۋ، ىنتىماقتاستىق جوبالارىن جۇزەگە اسىرۋ، ەاەو-نىڭ ينستيتۋتسيونالدىق بازاسىن جەتىلدىرۋ جانە ت. ب. ماسەلەلەر بويىنشا ءبىر بايلامعا كەلدى.

وتىرىس قورىتىندىسى بويىنشا تاراپتار ەەك كەڭەسىنىڭ كەلەسى وتىرىسىندا ستراتەگيالىق باعىتتار جوباسىن تالقىلاۋدى جالعاستىرۋعا كەلىستى.

قاراستىرىلىپ وتىرعان ستراتەگيالىق باعىتتار قازاقستاننىڭ مۇددەسىن تولىق قامتاماسىز ەتەدى، ياعني ەكونوميكالىق ينتەگراتسيالىق پروتسەستەردى تەرەڭدەتۋدەن بولاتىن ەكونوميكالىق پايدانى مەيىلىنشە ارتتىرۋعا باعىتتالعان.

ەستەرىڭىزگە سالا كەتەيىك، ەاەو شەڭبەرىندەگى ينتەگراتسيالىق پروتسەستەردى ودان ءارى دامىتۋ تۋرالى 2018 جىلعى جەلتوقساندا قابىلدانعان دەكلاراتسيانى ىسكە اسىرۋ ءۇشىن ستراتەگيالىق باعىتتاردىڭ جوباسى ازىرلەنۋدە.

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار