الماتى ارنايى اۋدانارالىق اكىمشىلىك سوتىنىڭ شەشىمىمەن «پراۆدا كازاحستانا» گازەتىنىڭ تارالىمى تاركىلەندى. بۇل تۋرالى «ءادىل ءسوز» حالىقارالىق ءسوز بوستاندىعىن قورعاۋ قورىنان حابارلادى.
«9 تامىزدا الماتى قالاسى ارنايى اۋدانارالىق اكىمشىلىك سوتىنىڭ سۋدياسى عالىم كەلدىباەۆ «پراۆدا كازاحستانا» گازەتىنىڭ باس رەداكتورى ءشارىپ قۇراقباەۆ پەن باسىلىمنىڭ يەسى – قازاقستان كومپارتياسىن قر اكىمشىلىك ىستەرى كودەكسىنىڭ 350-بابى 1-بولىگى بويىنشا «شىعارىلۋ مالىمەتتەرىن جاريالاۋ ءتارتىبىن بۇزۋ» دەگەن ايىپتادى», - دەلىنگەن قوردىڭ حابارلاماسىندا.
بۇعان باستى سەبەپ, گازەت تارالىمى شىعارۋ مالىمەتتەرىندە كورسەتىلگەندەي, 8 مىڭ ەمەس, 7 مىڭ دانا بولىپ شىققان.
«تارالىم تاركىلەنىپ الىندى, ال باس رەداكتور مەن پارتيا تيىسىنشە 5 جانە 20 ەڭ تومەنگى ايلىق مولشەرىندەگى ايىپپۇلعا تارتىلدى», - تۇسىندىرەدى پاراقشا.
سوت وتىرىسى بارىسىندا ش.قۇراقباەۆ تارالىمنىڭ وزگەرتىلىپ كورسەتىلۋىنە ادام فاكتورى اسەر ەتكەنىن مالىمدەدى: رەداكتسيا 3 اي بويى جۇمىسسىز تۇرعاننان كەيىن قاتارع جاڭا قىزمەتكەرلەر الۋعا ءماجبۇر بولعان, سولار تارالىم مالىمەتىن وزگەرتۋدى ۇمىتىپ كەتكەن. الايدا, سوت بۇل ءۋاجدى قاپەرگە المادى.
حابارلامادا اكىمشىلىك ءوندىرىستىڭ الماتى قالاسى ىشكى ساياسات باسقارماسىنىڭ شاعىمى بويىنشا قوزعالعانى ايتىلعان.
ساكەن مايلىباي.
