ء«بىز ءتيىستى شەشىم قابىلدادىق. زاڭعا وزگەرىس ەنگىزىلدى. ءبىرىنشى قاڭتاردان باستاپ ىسكە اسىرىلىپ جاتىر. ماعىناسى نەدە؟ اۋدان مەكتەپتەرى مەن بالاباقشالارى اۋداننىڭ ءبىلىم بولىمدەرىنە باعىنادى. ال اۋدان ءبىلىم بولىمدەرى وبلىسقا ەمەس, مينيسترلىككە ەمەس, ولار وزدەرىنىڭ اكىمدىكتەرىنە عانا باعىنادى. سول جەرگىلىكتى بيۋدجەتتەن عانا قارجى تابادى. وسىنداي قيىنشىلىقتار بار», - دەدى مينيستر.
ونىڭ ايتۋىنشا, وبلىستارداعى ءبىلىم باسقارمالارى كوللەدجدەرمەن, ارنايى مەكتەپتەرمەن اينالىسادى.
«مەن ءوزىم اۋىلدىق جەردە جۇمىس ىستەدىم. ودان كەيىن وبلىستىق ءبىلىم باسقارماسىندا ءتورت جىلداي جۇمىس ىستەدىم. سوندا وبلىستىق ءبىلىم باسقارماسىنىڭ باسشىسى بولىپ وتىرعان كۇننىڭ وزىندە كورگەنىم, اۋدانداعى ءبىلىم بولىمدەرىمەن جۇمىس ىستەۋ وتە قيىن. ولار بىزدە اكىم بار, ءبىزدىڭ بيۋدجەتىمىز باسقا دەپ ايتادى», - دەدى اسحات ايماعامبەتوۆ.
ءمينيستردىڭ ايتۋىنشا, بۇل مەملەكەتتىك ساياساتتى جۇرگىزۋگە دە قيىندىق تۋعىزادى. كىتاپ جەتىسپەۋشىلىگى, باسقا دا ماسەلە وسى جۇيەگە بايلانىستى تۋىنداعان.
«ەندى بيىل ءبىرىنشى قاڭتاردان باستاپ ءبىلىم بولىمدەرى ءبىلىم باسقارماسىنا باعىنادى. ال كەلەسى جىلى ءبىرىنشى قاڭتاردان باستاپ بيۋدجەتتەر دە اۋداندىق دەڭگەيدەن وبلىستىق دەڭگەيگە بەرىلەدى», - دەدى ول.
