كەزدەسۋ بارىسىندا پرەزيدەنت ك.كاليۋلايد قازاقستان باسشىلىعىنىڭ ەستونيادا ەلشىلىك اشۋ تۋرالى شەشىمىن جوعارى باعالاپ, مەملەكەتارالىق قاتىناستاردىڭ ودان ءارى نىعايا بەرەتىنىنە سەنىم ءبىلدىردى.
ءوز كەزەگىندە, ەلشى ن.سەيتىموۆ ەكىجاقتى ءىس-قيمىلدا ءتيىمدى ىنتىماقتاستىق ءۇشىن ۇلكەن الەۋەت بار ەكەنىن جانە جاڭادان اشىلعان ەلشىلىكتىڭ كۇش-جىگەرى ونى ءسوزسىز جۇزەگە اسىرۋعا باعىتتالاتىندىعىن اتاپ ءوتتى. ىنتىماقتاستىقتىڭ باسىم باعىتتارى - تسيفرلاندىرۋ, ترانزيت جانە لوگيستيكا, اۋىل شارۋاشىلىعى, زاڭنامالىق بازانى نىعايتۋ جانە كەڭەيتۋ.
ەستونيانىڭ پرەزيدەنتى قازاقستاندا جۇرگىزىلىپ جاتقان ەكونوميكالىق جانە ساياسي رەفورمالار تۋرالى حاباردار ەتتى.
ءسوز سوڭىندا پرەزيدەنت ك.كاليۋلايد قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆقا جانە مەملەكەت باسشىسى قاسىم-جومارت توقاەۆقا ىزگى تىلەكتەرىن جەتكىزدى.
