«بۇگىنگى تاڭدا تۇرعىن ءۇي كەزەگىندە 48 مىڭ ادام تۇر. مەملەكەت باسشىسىنىڭ تاپسىرماسىنا سايكەس قولجەتىمدى تۇرعىن ءۇي كولەمىن 3 ەسە ۇلعايتامىز. قولجەتىمدى باسپانا كەزەككە سايكەس جانە تەك قانا زاڭ شەڭبەرىندە بەرىلەدى. ءسىز قۇجاتتارىڭىزبەن كەلگەن كەزدە, ءبىز بازاعا قاراپ, بارلىعىن تەكسەرەمىز. ەگەر ءسىزدىڭ اتىڭىزدا تۇرعىن ءۇي بولسا, ول اقپاراتتى بازادان كورەمىز. تۇرعىندار ءوز جاۋاپكەرشىلىگىن ءتۇسىنىپ, بارلىق قاجەتتى قۇجاتتاردى رەتكە كەلتىرۋى ءتيىس. سونداي - اق بيىل جاستارعا ارنالعان جالعا بەرىلەتىن تۇرعىن ءۇي باعدارلاماسىن جالعاستىرامىز», - دەدى قالا اكىمى التاي كولگىنوۆ.
2019 جىلدىڭ قورىتىندىسى بويىنشا ەلوردا تۇرعىندارىنا قولجەتىمدى 2,9 مىڭ پاتەر بەرىلدى. (1050 پاتەر جاستارعا ارنالعان جالعا بەرىلەتىن پاتەرلەر). پاتەر العانداردىڭ قاتارىندا حالىقتىڭ الەۋمەتتىك ءالسىز توپتارى, جەتىم بالالار, تولىق ەمەس وتباسىلار, ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلار, ۇلى وتان سوعىسى مۇگەدەكتەرى مەن قاتىسۋشىلارى, كوپ بالالى وتباسىلار بار.
ەسكە سالا كەتەيىك, وتكەن اپتادا ەلوردا اكىمى «بايقوڭىر» اۋدانى اكىمىنىڭ ەسەپ بەرۋ كەزدەسۋىنە قاتىستى. تۇرعىنداردىڭ سۇراقتارى جۇمىسقا الىندى.
