كونگرەسس قتف پرەزيدەنتى ك.ق. ءماسىموۆتىڭ توراعالىعىمەن ءوتتى. كونگرەسكە مادەنيەت جانە سپورت ءمينيسترى اقتوتى رايىمقۇلوۆا, مادەنيەت جانە سپورت ۆيتسە-ءمينيسترى ەلدوس رامازانوۆ, قر ۇوك باس حاتشىسى ساكەن مۇسايبەكوۆ, سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى سەرىك جاراسباەۆ, استانا اكىمى التاي كولگىنوۆ, باقىلاۋشى كەڭەسىنىڭ توراعاسى — ERG توبىنىڭ باس اتقارۋشى ديرەكتورىنىڭ ءبىرىنشى ورىنباسارى الديار قازتاەۆ جانە ت.ب. قوناقتار قاتىستى. فەدەراتسيانىڭ جاڭا پرەزيدەنتتى سايلاۋ – كونگرەسس جۇمىسىنىڭ باستى ناتيجەسى ءارى قازاقستاندىق ترياتلون ءۇشىن باستى جاڭالىق بولدى.
وكىلەتتىلىك مەرزىمىنىڭ اياقتالۋىنا بايلانىستى كونگرەسس مۇشەلەرى جاڭا پرەزيدەنتتى جانە ءبىرىنشى ۆيتسە-پرەزيدەنتتى اشىق داۋىس بەرۋ جولىمەن سايلادى. جيىنعا قاتىسۋشىلار الديار قازتاەۆتى ءبىر اۋىزدان قتف جاڭا پرەزيدەنتى ەتىپ سايلادى. كارىم ءماسىموۆ قتف قۇرمەتتى پرەزيدەنتى بولىپ سايلاندى. ورتا ازيالىق ترياتلون اسسوتسياتسياسىنىڭ (ساتا) پرەزيدەنتى جانە Almaty Triathlon Federation باسشىسى عالىمجان ەسەنوۆ قتف ءبىرىنشى ۆيتسە-پرەزيدەنتى بولىپ سايلاندى.
ەسكە سالا كەتسەك, ك.ق. ءماسىموۆ 2016 جىلى, ترياتلون قازاقستان ءۇشىن سالىستىرمالى تۇردە جاس ءارى اسا تانىمال ەمەس سپورت ءتۇرى بولىپ تۇرعان شاقتا فەدەراتسيا پرەزيدەنتى بولىپ سايلانعان ەدى. كارىم ءماسىموۆتىڭ باسشىلىعىمەن قازاقستاندىق ترياتلون جوسپارلى ءارى كەشەندى دامۋ جولىن ءوتتى. دالىرەك ايتقاندا: ۇيىمنىڭ ءنورماتيۆتى-قۇقىقتىق بازاسى جەتىلدىرىلدى, فەدەراتسيانىڭ جۇمىسىن باسقاراتىن ءپروفيلدى كوميتەتتەر قۇرىلدى, باستى حالىقارالىق ترياتلون ۇيىمدارىمەن (ITU, ASTC, Ironman (WTC)) جاقسى قارىم-قاتىناس ورناتىلدى, ەل ايماقتارىندا اككرەديتتەلگەن فەدەراتسيالار, وليمپيادالىق رەزەرۆتەگى بالالار-جاسوسپىرىمدەر مەكتەپتەرىندە ترياتلون بولىمشەلەرى مەن سەكتسيالارى اشىلدى.
سونداي-اق نۇر-سۇلتان, الماتى جانە شىمكەنت قالالارىندا ITU, ASTC, Ironman بىرلەسكەن اۋقىمدى حالىقارالىق سايىستار وتكىزىلدى, ەلىمىزدىڭ بارلىق دەرلىك ايماقتارىندا رەسپۋبليكالىق دەڭگەيدەگى سايىستار ۇيىمداستىرىلدى. ۇلكەن حالىقارالىق دودالاردا ۇلتتىق قۇراما مۇشەلەرى جاقسى ناتيجەلەر كورسەتتى جانە دە ادەستەمەلىك قۇجاتتار شىعارىلىپ, بىلىكتى باپكەرلەر تاربيەلەۋ ىسىندە دە ءبىرشاما جەتىستىكتەرگە قول جەتكىزىلدى.
سونىمەن قاتار اۋەسقويلىق ترياتلوننىڭ دامۋىنا ۇلكەن سەرپىلىس بەرگەن «TEMIRADAM» كۋبوگى قۇرىلدى. ك.ق. ءماسىموۆتىڭ باسشىلىعى كەزىندەگى فەدەراتسيانىڭ باستى جەتىستىكتەرى رەتىندە قتف وكىلدەرىنىڭ ازيالىق ترياتلون كونفەدەراتسياسىنىڭ (ASTC) اتقارۋشى كەڭەسىنە جانە ءپروفيلدى كوميتەتتەرىنە داۋىس بەرۋ قۇقىعىمەن سايلانىپ ەنگەندىگىن, قىرعىزستان, وزبەكستان, يران, اۋعانستان جانە قازاقستان سەكىلدى بەس ەلدىڭ ۇلتتىق فەدەراتسيالارىن بىرىكتىرگەن ورتا ازيالىق ترياتلون اسسوتسياتسياسىنىڭ (ساتا) قۇرىلۋىن اتاۋعا بولادى.
«بۇگىنگى تاڭدا قازاقستاندىق ترياتلون ءوز دامۋ جولىندا ۇلكەن سەرپىلىس جاسادى. فەدەراتسيا ايتارلىقتاي جەتىستىكتەرگە قول جەتكىزدى. بۇل بىرلەسە اتقارعان جۇمىس پەن دانا باسشىلىقتىڭ ارقاسىندا ەكەندىگىن سەنىمدى تۇردە ايتۋعا بولادى. ۇلتتىق فەدەراتسيانى باسقارۋ ۇلكەن ابىروي ءارى جاۋاپكەرشىلىك. ءبىزدىڭ ترياتلونعا جۇيەلى ءارى كەشەندى ءوسىم قامتاماسىز ەتە وتىرىپ, قالىپتاسقان ءداستۇردى ساقتاۋ كەرەك. بۇل ءۇشىن بارلىق كۇشىمدى جۇمساۋعا نيەتتىمىن», - دەدى الديار قازتاەۆ.
بۇدان باسقا كونگرەستە فەدەراتسيانىڭ وتكەن جىلى اتقارعان جۇمىسى بويىنشا ەسەپ تىڭدالىپ, كەلە جاتقان وليمپيادالىق ماۋسىمعا نەگىزگى ماقساتتار قويىلدى.
