ء«بىز بۇل شەشىمدى وتانداستارىمىزدى قاۋىپتى دەرتتەن قورعاپ قالۋ ءۇشىن قابىلداپ وتىرمىز. الداعى ۋاقىتتا بويىنان دەرت بەلگىسى بار ازاماتتاردى ەلدەن شىعارىپ قانا قويماي, ەلگە كەلۋىن شەكتەيتىن شەشىمدەر قابىلدايمىز. رەسەيدە كوروناۆيرۋسقا قاتىستى جاعداي باقىلاۋدا», - دەيدى رف پرەمەر-ءمينيسترى م. ميشۋستين.
سونداي-اق اتالعان باسىلىم پرەمەر م. ميشۋستين اقپان ايىنىڭ ەكىنشى جارتىسىندا سوچيدە حالىقارالىق ينۆەستيتسيالىق فورۋمدى كەيىنگە قالدىرۋعا, رەسەيدىڭ قىتايعا گۋمانيتارلىق كومەك جىبەرەتىنىن حابارلادى.
كوروناۆيرۋس قحر-نىڭ حۋبەي پروۆينتسياسىنداعى ۋحان قالاسىنان 2019 جىلدىڭ جەلتوقسان ايىندا تارالا باستاعان دەگەن بولجام بار.
بۇگىن, 3 اقپانداعى تاڭەرتەڭگى مالىمەتتەرگە سايكەس, قىتايدا 2019 جىلى ءتاج ۆيرۋسىن 17,2 مىڭ ادام جۇقتىرعان, ونىڭ 361-ءى قايتىس بولعان. ۆيرۋستى جۇقتىرعان 480-نەن استام ادام ساۋىعىپ, اۋرۋحانادان شىعارىلدى. الايدا دارىگەرلەر ساقتىق شارالارىن ساقتاپ جۇرمەسە, قايتا جۇقتىرۋ قاۋپى بار ەكەنىن ەسكەرتەدى.
وتكەن اپتانىڭ سوڭىندا ۆيتسە-پرەمەر تاتيانا گوليكوۆا رەسەيدە قىتايلىق كوروناۆيرۋس جۇقتىرۋدىڭ ەكى جاعدايى انىقتالعانىن حابارلادى. ءبىرىنشىسى ترانس-بايكال اۋماعىندا, ەكىنشىسى تيۋمەن وبلىسىندا. ەمدەلۋشىلەردىڭ ەكەۋى دە قىتاي ازاماتى.
سونداي-اق رەسەي ۇكىمەتى ازاماتتارىن قىتايداعى حۋبەي پروۆينتسياسىنان ەۆاكۋاتسيالاي باستايدى دەپ حابارلاندى.
ەۆاكۋاتسيادان كەيىن رەسەيلىكتەر 14 كۇنگە كارانتينگە جىبەرىلەدى.
