باعدارلاما جاريالانعان العاشقى اپتانىڭ وزىندە 476 وتباسىعا ازىق-ت ۇلىك, كيىم-كەشەك جانە قاتتى وتىنمەن كومەك كورسەتىلە باستادى. العاشقى كەزەڭدە جالپى 1600-دەن استام وتباسى تىزىمگە ەنىپ, 1,6 ملرد تەڭگە بولىنەدى دەپ مەجەلەنگەن. Nur Otan پارتياسى تۇركىستان وبلىستىق فيليالى مەن اۋدان, قالالارداعى فيليالدارى دا ۇيلەستىرۋشى رەتىندە سەرپىندى جۇمىسقا كىرىسىپ كەتتى. پارتيا وكىلدەرى كەنتاۋ, قازىعۇرت, سارىاعاش, سايرام, جەتىساي, كەلەس, ورداباسى, تولە بي جانە وزگە دە اۋداندارداعى الەۋمەتتىك جاعدايى تومەن وتباسىلارعا بارىپ, ازىق-ت ۇلىك جانە وزگە دە كومەكتەرىن ۇسىندى. ال قاڭتار ايىنىڭ سوڭىندا وتىرار اۋدانى, كوكساراي اۋىلىندا ەرەكشە وقيعا بولدى. «Nur Otan» پارتياسى باستاۋىش پارتيا ۇيىمىنىڭ باستاماسىمەن اۋداننىڭ جومارت تا مەيىرىمدى مولدالى التاي مەن قۋاندىق شالقار سىندى ازاماتتارى الەۋمەتتىك جاعىنان از قامتاماسىز ەتىلگەن كوپبالالى 2 وتباسىعا تۇرعىن ءۇي ساتىپ اپەرىپ, وتباسى مۇشەلەرىن ايرىقشا قۋانىشقا كەنەلتتى.
وبلىس اكىمى ءو.شوكەەۆتىڭ باستاماسىمەن ءوتىپ جاتقان «قامقورلىق» باعدارلاماسىنا قىزۋ قولداۋ كورسەتكەن ازاماتتارعا تۇرعىندار ريزاشىلىعىن ءبىلدىردى. باسپانالى بولعان وتباسىلاردىڭ قۋانىشىن بولىسۋگە اۋدان اكىمى ءا.ءجۇنىسوۆ پەن پارتيانىڭ اۋداندىق پارتيا فيليالىنىڭ وكىلدەرى ارنايى كەلىپ, باعالى سىيلىقتارىن تابىس ەتتى. اۋدان اكىمى وتانشىل كاسىپكەرلەرگە العىسىن ءبىلدىرىپ, وزگە ازاماتتاردى دا ىزگى ىسكە شاقىردى.
