«قحر مەن شەكارالاس مەملەكەتتەردەن كەلگەن ازاماتتارعا مونيتورينگ جالعاسۋدا. ماسەلەن, 2020 جىلدىڭ 6 قاڭتارىنان 1 اقپان ارالىعىندا ەلىمىزگە 27 مىڭ 53 ادام كەلدى. دەنساۋلىق ساقتاۋ مينيسترلىگى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ سانيتارلىق-كارانتيندىك پۋنكتتەرىنىڭ ماماندارى الماتى قالاسىنداعى حالىقارالىق اۋەجايدا - 20 مىڭ 208 ادامدى, تەمىرجول ۆوكزالدارىندا – 399 جولاۋشىنى تەكسەردى. جرۆي بەلگىلەرىمەن 75 ادام كوپشىلىكتەن وقشاۋ اۋرۋحاناعا جاتقىزىلدى, ونىڭ 31-ءى جازىلىپ شىقتى, قازىر ستاتسيونارلاردا مەديتسينالىق باقىلاۋدا 44 ادام قالدى» دەلىنگەن حابارلامادا.
اۋرۋحاناعا جاتقىزىلعانداردىڭ بارلىعىنىڭ سىناماسىن قوسىمشا باقىلاۋ ءۇشىن الماتىداعى ايقىمباەۆ اتىنداعى اسا قاۋىپتى جۇقپالى اۋرۋلاردىڭ ۇلتتىق عىلىمي ورتالىعىنا جىبەرىلدى. بۇل ورتالىق جاڭا كوروناۆيرۋستى پتر-دياگنوستيكالاۋ ادىستەمەسى يگەرگەن.
دسم رەسپۋبليكادا تەراپيا ءۇشىن قاجەتتى ءدارى-دارمەك پەن مەديتسينالىق بۇيىمدار بار, جۇقپالى اۋرۋحانالاردى وقشاۋلاۋعا ارنالعان بوكستار, ارنايى دارىگەرلىك جانە ورتا مەديتسينالىق پەرسونال دايىندالعاندىعىن ايتتى.
جاعداي قر دەنساۋلىق ساقتاۋ مينيسترلىگىنىڭ تۇراقتى باقىلاۋىندا, كەز كەلگەن سۇراق بويىنشا تاۋلىك بويى جۇمىس ىستەيتىن 1406 بايلانىس-ورتالىعىنا قوڭىراۋ شالۋعا بولادى.
