جاستاردىڭ ينتەللەكتۋالدىق دەڭگەيىن قالىپتاستىرۋ ماقساتىنداعى بايقاۋدى جامبىل وبلىسىنىڭ «رۋحاني جاڭعىرۋ» جوبالىق ءوفيسى مەن شوقان ءۋاليحانوۆ اتىنداعى وبلىستىق امبەباپ-عىلىمي كىتاپحاناسى بىرلەسىپ ۇيىمداستىردى.
ەرەجەگە سايكەس, بايقاۋ ەكى كەزەڭگە, ەكى ساناتقا ءبولىندى. قاتىسۋشىلارعا ادەبيەت جانە عىلىم سالالارىندا وزىندىك ورنى بار تۇلعالاردىڭ ارنايى بەلگىلەنگەن 43 كىتابى ۇسىنىلدى. ءبىرىنشى كەزەڭنەن سۇرىنبەي وتكەن 22 قاتىسۋشى اقتىق سىندا دا وزدەرى تاڭداپ وقىعان كىتاپتاردان قويىلعان سۇراقتارعا ناقتى جاۋاپ بەرە ءبىلدى. بايقاۋدا 15 جاسقا دەيىنگى قاتىسۋشىلار اراسىنان ءى ورىندى تاراز قالاسىنداعى №48 ت.رىسقۇلوۆ اتىنداعى ورتا مەكتەپتىڭ 6-سىنىپ وقۋشىسى امينا مۇحتار جەڭىپ السا, ءىى ورىندى جامبىل اۋدانى, بىرلەسۋ-ەڭبەك اۋىلىنداعى ورتا مەكتەپتىڭ 7-سىنىپ وقۋشىسى سايدا جاحان, ال ءىىى ورىندى جامبىل اۋدانى, بىرلەسۋ-ەڭبەك اۋىلىنداعى ورتا مەكتەپتىڭ 9-سىنىپ وقۋشىسى ەلدوس جولدىباي يەلەندى. سونىمەن قاتار 15 جاستان جوعارى قاتىسۋشىلار اراسىنان ءى ورىندى تاراز قالاسىنداعى №54 ورتا مەكتەپتىڭ 10-سىنىپ وقۋشىسى اسەل اياجان يەلەنسە, ءىى ورىندى مەركى اۋدانى, №6 ورتا مەكتەپتىڭ 10-سىنىپ وقۋشىسى ديانا جەكسەنبيەۆا جانە ءىىى ورىندى جامبىل پوليتەحنيكالىق جوعارى كوللەدجىنىڭ 2-كۋرس ستۋدەنتى اقنۇر باشيروۆا جەڭىپ الدى. بايقاۋعا بارلىق قاتىسۋشىلار مەن ولاردىڭ جەتەكشىلەرىنە العىس حاتتار, ال جەڭىمپازدارعا باعالى سىيلىقتار تابىس ەتىلدى. جۇلدەگەرلەردى وبلىستىق «رۋحاني جاڭعىرۋ» جوبالىق ءوفيسى» مەكەمەسىنىڭ باسشىسى زارينا قۋاتوۆا ماراپاتتادى.
ايتا كەتەيىك, اۋەل باستا بۇل بايقاۋ وتكەن جىلدىڭ مامىر ايىندا تاراز قالالىق «Jambyl-Taraz» قوعامدىق-ساياسي گازەتىنىڭ باستاماسىمەن قالا اۋماعىندا ۇيىمداستىرىلعان ەدى. «قازفوسفات» جاۋاپكەرشىلىگى شەكتەۋلى سەرىكتەستىگىنىڭ باس ديرەكتورى, قازاقستاننىڭ ەڭبەك ەرى مۇقاش ەسكەندىروۆتىڭ دەمەۋشىلىگىمەن ەڭ ۇزدىك اتانعان جاس وقىرمانعا 1 ميلليون تەڭگە, ال قالعان جەڭىمپازدارعا دا قوماقتى قارجىلاي سىيلىقتار تابىستالعان بولاتىن.
جامبىل وبلىسى
