ء«بىز – اباي جولىندامىز!» اتتى شارانى ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى, ۇعا اكادەميگى ەرلان سىدىقوۆ كىرىسپە ءسوز سويلەپ اشتى. ۇعا اكادەميگى عاريفوللا ەسىم, جۋرناليستيكا ماسەلەلەرىن زەرتتەۋ ينستيتۋتىنىڭ ديرەكتورى, كورنەكتى عالىم نامازالى وماش ۇلى, «زاماناۋي زەرتتەۋلەر» عىلىمي-زەرتتەۋ ينستيتۋتىنىڭ ديرەكتورى, PhD مۇحيت سىدىقنازاروۆ, ساياساتتانۋ كافەدراسىنىڭ مەڭگەرۋشىسى, پرەزيدەنتتىك جاستار كادر رەزەرۆىنىڭ مۇشەسى, اباي مۇراسىن حالىقارالىق دەڭگەيدە ناسيحاتتاۋ جوباسىنىڭ جەتەكشىسى ينديرا رىستينا, تەلەراديو جانە قوعاممەن بايلانىس كافەدراسىنىڭ مەڭگەرۋشىسى, ايتىسكەر-اقىن, فيلولوگيا عىلىمدارىنىڭ كانديداتى سەرىكزات دۇيسەنعازى, جاراتىلىستانۋ عىلىمدارى فاكۋلتەتىنىڭ 3-كۋرس ستۋدەنتى, «Qamqor» ەرىكتىلەر قوزعالىسىنىڭ مۇشەسى ديانا سايلاۋباەۆا «ۇلتتىق بولمىستىڭ ۇلگىسى», «جاڭا قوعامنىڭ جاناشىرى», «مەملەكەت ءىسىنىڭ مۇددەسى», «الەمدىك مادەنيەتتىڭ تۇلعاسى», «تورقالى تويدىڭ تاعىلىمى» تاقىرىبىندا وي قوزعادى.
سونداي-اق ستۋدەنتتەر شارا بارىسىندا اباي, شاكارىم, ءاليحان بەينەسىن سومداپ, ۋنيۆەرسيتەت رەكتورى ەرلان سىدىقوۆ «وتىرار» كىتاپحاناسىنا اكادەميك سەرىك قيراباەۆ تاپسىرعان «اباي جولى» ەپوپەياسىنىڭ العاشقى تاراۋىنان ءۇزىندى وقىپ, ەستافەتانى ءال-فارابي اتىنداعى قازاق ۇلتتىق ۋنيۆەرسيتەتىنىڭ رەكتورى عالىمقايىر مۇتانوۆ پەن الەمدى اۋزىنا قاراتقان ءانشى ديماش قۇدايبەرگەنوۆكە, سپورت جانە دەنەشىنىقتىرۋ كوميتەتىنىڭ توراعاسى, وليمپيادا چەمپيونى سەرىك ساپيەۆكە تاپسىردى.
ءىس-شارا سوڭىندا «كاۋسار» مادەني-تانىمدىق بىرلەستىگىنىڭ جەتەكشىسى, قر ەڭبەك سىڭىرگەن ءارتىسى, پروفەسسور كەنجەعالي مىرجىقباي ابايدىڭ «جەلسىز تۇندە جارىق اي» ءانىن شىرقاپ, يگى شاراعا جينالعاندار ەستەلىك سۋرەتكە ءتۇسىپ تارقاستى.
