كۇنى كەشە عانا قانداسىمىزدىڭ قارسىلاسى انىقتالدى. WBA Continental Americas جانە IBF Inter-Continental نۇسقالارى بويىنشا التىن بەلبەۋىن قورعاپ قالۋ ءۇشىن ول ارگەنتينالىق ماكسيميليانو ريكاردو ۆەرونامەن جۇدىرىقتاسادى.
31 جاستاعى وڭتۇستىك امەريكانىڭ وعلانى وسى كۇنگە دەيىن 16 كەزدەسۋ وتكىزىپ, 12 رەت جەڭىسكە جەتتى. ءتورت باسەكەنى مەرزىمىنەن بۇرىن اياقتادى. ءۇش مارتە ۇتىلىپ, تاعى ءبىر تارتىستا تەڭ ەسەپ تىركەلدى. ريكاردو ۆەرونا ءوز كەزدەسۋلەردىڭ بارلىعىن ارگەنتينادا وتكىزگەن ەكەن.
ال 28 جاستاعى باتىر جۇكەمباەۆ ءۇش جارىم جىل ارالىعىندا 17 رەت شارشى الاڭعا شىعىپ, بارلىعىندا باسىمدىق تانىتتى. 13 قارسىلاسىن نوكاۋتقا جىبەردى. سوڭعى رەت ول 26 قىركۇيەكتە مەكسيكالىق ميگەل ۆاسكەستى ۇپاي سانىمەن ۇتتى.
