وتكەن جىلدىڭ سوڭىندا اۋىل شارۋاشىلىعى مينيسترلىگىنىڭ باستاماسىمەن جوعارىدا اتالعان زاڭ قابىلدانعان. زاڭ اياسىندا 42 زاڭنامالىق اكتىگە, ونىڭ ىشىندە جەر, ورمان, بيۋدجەتتىك, قىلمىستىق, سالىق كودەكستەرىنە وزگەرىستەر ەنگىزىلدى.
اتالمىش ەنگىزىلگەن وزگەرىستەر مەن تولىقتىرۋلارعا سايكەس 2020 جىلدىڭ 1 قاڭتارىنان باستاپ بيزنەس ءۇشىن سالادا عىلىمي-زەرتتەۋ جانە تاجىريبەلىك-كونسترۋكتورلىق جۇمىستار جۇرگىزۋدى سۋبسيديالاندىرۋ قاراستىرىلعان. بۇل شارالار ارقىلى اگروونەركاسىپتىك كەشەندەرگە يننوۆاتسيالاردى ەنگىزۋ جەدەلدەتىلەدى دەپ كۇتىلۋدە.
2020 جىلعى 6 قاڭتارىنان باستاپ ءبىلىم جانە عىلىم مينيسترلىگىنىڭ جوعارى جانە ورتا ارناۋلى وقۋ ورىندارىنداعى اۋىل شارۋاشىلىعى ماماندىقتارى بويىنشا ماماندار دايارلاۋعا ارنالعان مەملەكەتتىك ءبىلىم بەرۋ تاپسىرىستارىنىڭ كولەمىن انىقتاۋ, ولاردى ءبولۋ مەن ورنالاستىرۋ باعىتىنداعى قۇزىرەتتەرىن قر اۋىل شارۋاشىلىعى مينيسترلىگىنە بەرۋ جونىندەگى نورما ءوز كۇشىنە ەنەدى. بۇل وزگەرىستەر سالاداعى مامانداردى دايىنداۋدا مەملەكەتتىك تاپسىرىستى ناقتى قالىپتاستىرۋعا, قارجىلاندىرۋ كولەمىن دۇرىس انىقتاۋعا, ساپالى كادرلاردى دايارلايتىن جوعارى وقۋ ورىندارىن ادىلەتتى تۇردە ىرىكتەۋدى جۇرگىزۋگە جانە ماماندىقتار بويىنشا گرانتتاردى دۇرىس بولۋگە مۇمكىندىك بەرەدى.
سونداي-اق, 6 قاڭتاردان باستاپ «وسىمدىك شارۋاشىلىعىنداعى مىندەتتى ساقتاندىرۋ تۋرالى» قر زاڭى ءوز كۇشىن جويدى. ەندى وسىمدىك جانە مال شارۋاشىلىعىندا شارۋالار ءۇشىن مىندەتتى ساقتاندىرۋدان ەرىكتى ساقتاندىرۋعا كوشۋ جۇيەسى ەنگىزىلىپ وتىر.
قابىلدانعان ساقتاندىرۋدىڭ جاڭا جۇيەسى اۋىل شارۋاشىلىعى سۋبەكتىلەرىن قولداۋدىڭ ناقتىلى باعىتتارىن ايقىنداپ وتىر. اتاپ ايتقاندا, مينيسترلىك ەندى ساقتاندىرۋدى سۋبسيديالاۋدىڭ ورنىنا ساقتاندىرۋ پوليستەرىن الۋدى سۋبسيديالاۋ جۇيەسىن ەنگىزدى. بۇل فەرمەرلەرلەردىڭ شىعىندارىن ازايتىپ, ساقتاندىرۋ جۇيەسى مەن ساقتاندىرۋ قارجىلارىن الۋ جۇيەسىن اشىق ەتەدى.
سونداي-اق, مينيسترلىك فەرمەرلەرگە ەكىنشى دەڭگەيلى بانكتەردەن نەسيەلەر الۋ بارىسىندا ساقتاندىرۋ پوليستەرىن كەپىلدىك رەتىندە پايدالانۋعا مۇمكىندىك بەرەتىن نورمالاردى ەنگىزىپ وتىر.
ايتا كەتۋ كەرەك, ەرىكتى ساقتاندىرۋدىڭ جاڭا جۇيەسى ەلەكتروندىق پلاتفورمادا جۇمىس ىستەيتىن بولادى. ساقتاندىرۋ كەلىسىم-شارتتارىن جاساۋ, سۋبسيديالاۋ, ساقتاندىرۋ جاعدايىنىڭ ورىن الۋى فاكتىلەرىن انىقتاۋ جانە ساقتاندىرۋ تولەمدەرىن تولەۋ اقپاراتتىق جۇيە ارقىلى جۇرگىزىلەتىن بولادى. بۇل تاۋەكەلدەردى باسقارۋدىڭ اشىق جۇيەسىن قۇرۋعا مۇمكىندىك بەرەدى.
