بۇل كەزدەسۋگە قاراساي اۋدانىنىڭ اكىمى مەن پوليتسيا باسقارماسىنىڭ باسشىلىعى قاتىستى.
سەناتور كەزدەسۋ بارىسىندا اكىمشىلىك جانەقىلمىستىق زاڭنامانى, قۇقىق قورعاۋ جانە سوت جۇيەلەرىن جەتىلدىرۋ اياسىندا قىلمىستىق پروتسەستە ازاماتتاردى قورعاۋ دەڭگەيىن ارتتىرۋعا, ۇرلىق, زورلاۋ, ەسىرتكى تاراتۋ جانە براكونەرلىك ءۇشىن جاۋاپكەرشىلىكتى كۇشەيتۋگە باعىتتالعان زاڭدار قابىلدانعانىن اتاپ ءوتتى. ونىڭ ىشىندە اكىمشىلىك-دەليكتىك زاڭنامانى جەتىلدىرۋگە, اكىمشىلىك زاڭنامانى ىزگىلەندىرۋ جانە جازالاۋ دەڭگەيىن تومەندەتۋگە; سوت قىزمەتىن ودان ءارى جاڭعىرتۋعاجانە سۋديالاردىڭ شەشىم قابىلداۋ كەزىندەگىتاۋەلسىزدىگى مەن دەربەستىگىن ارتتىرۋعا; سوت تورەلىگىن اتقارۋ ساپاسىن جوعارىلاتۋعا, سۋديالىققا كانديداتتاردى ىرىكتەۋ تاسىلدەرىن وڭتايلاندىرۋعاارنالعان زاڭدار بار.
پارلامەنت قابىلداعان ماڭىزدى زاڭدار ەلباسىنىڭ تاپسىرمالارىن جانە پرەزيدەنت قاسىم-جومارت توقاەۆتىڭ سايلاۋالدى تۇعىرناماسى مەن جولداۋىن ىسكە اسىرۋدى قامتاماسىز ەتۋگە باعىتتالىپ وتىر.
ۆلاديمير ۆولكوۆ قۇقىق قورعاۋ ورگاندارىندا جۇزەگە اسىپ جاتقان رەفورمالاردىڭ نەگىزگى ەرەجەلەرى تۋرالى ايتىپ بەردى, ونىڭ نەگىزگى مىندەتى ازاماتتاردىڭ كونستيتۋتسيالىق قۇقىقتارىن مۇلتىكسىز ساقتاۋ جانە قورعاۋ بولىپ تابىلادى.
دەپۋتات ءايتەي اۋىلىنا ساپار اياسىندا مەملەكەتتىك-جەكەشەلىك ارىپتەستىك اياسىندا سالىنعان ءۇش قاباتتى 1200 ورىندىق مەكتەپتىڭ عيماراتىمەن تانىستى.
كەزدەسۋ بارىسىندا از قامتاماسىز ەتىلگەن وتباسىلارداعى بالالاردى قولداۋ, پەداگوگيكالىق جانە اتا-انالار ادەبى تۋرالى دا تالقىلاندى.
دەپۋتات اۋىلدىق ەلدى مەكەندەردى جانە تۇرعىن ءۇي-كوممۋنالدىق شارۋاشىلىقتى دامىتۋ ماسەلەلەرىنە ەرەكشە نازار اۋداردى. ول جالپى ۇزىندىعى 21,3 شاقىرىم بولاتىن قاسكەلەڭ توپتىق سۋ قۇبىرىنىڭ ءبىرىنشى كەزەكتەگى العاشقى ىسكە قوسۋ كەشەنىنىڭ جۇمىسىن زەردەلەدى. بۇل جوبانىڭ ەرەكشەلىگى – ول تولىق ىسكە قوسىلعاندا كاسكەلەڭنەن باسقا اۋدانداعى 23 ەلدى مەكەن تازا اۋىز سۋمەن قامتاماسىز ەتىلەءتىن بولادى.
ۆلاديمير ۆولكوۆ ساپاردى قورىتىندىلاي كەلءىپ, ونىڭ باستى ماقساتى –جەرگىلىكتى جەرلەردەگى ءىستىڭ جاي-كۇيىن زەردەلەۋ جانە ازاماتتارعا قاجەتتى جاعدايدى زاڭنامالىق دەڭگەيدە ساپالى تۇردە شەشۋ ءارى ءومىر سۇرۋگە قولايلى جاعداي جاساۋ ءۇشىن قاجەت جايتتاردى ايقىن ءتۇسىنۋ ەكەنىن اتاپ ءوتتى.
