GMP (Good Manufacturing Practice) – بۇل دارىلىك پرەپاراتتاردى, بيولوگيالىق بەلسەندى قوسپالاردى, تاعامدىق قوسپالاردى جانە كەيبىر تاماق ونىمدەرىن وندىرۋگە قويىلاتىن تالاپتاردى انىقتايتىن حالىقارالىق ستاندارت. GMP حالىقارالىق ستاندارتىنا ءوندىرۋشى كاسىپورىن جاۋاپ بەرۋى ءتيىس بارلىق تالاپتار ەنگىزىلگەن: وندىرىستىك تسەحتاعى تەمپەراتۋرادان باستاپ قىزمەتكەرلەردىڭ كيىمىنە دەيىن.
2018 جىلدىڭ 1 قاڭتارىنان باستاپ GMP ستاندارتتارى قازاقستاندىق وندىرۋشىلەر ءۇشىن مىندەتتى دەپ تانىلدى.
عىلىمي ورتالىقتىڭ GMP سەرتيفيكاتىن يەلەنۋى بارلىق ۇجىمنىڭ جەمىستى جانە ۇيلەسىمدى جۇمىسىنىڭ ناتيجەسى بولىپ تابىلادى. ورتالىق قىزمەتى جاڭا مەديتسينالىق پرەپاراتتاردى عىلىمي ىزدەستىرۋگە جانە سىناۋعا باعىتتالعان سەگىز بەيىندى زەرتحانادا جۇزەگە اسىرىلادى. ورتالىقتاعى سىناقتاردى تۇتىكشەدە, سونداي-اق, ءتىرى اعزالاردا زەرتتەۋ جۇرگىزۋگە مۇمكىندىك بار. عىلىمي ورتالىقتىڭ قىزمەتكەرلەرى الەمنىڭ 12 ەلىندەگى 38 ۇيىممەن ارىپتەستىك قارىم-قاتىناس ورناتىپ,ۇنەمى تاجىريبە مەن ءبىلىم الماسادى.
بۇگىنگى تاڭدا «ينفەكتسياعا قارسى پرەپاراتتار عىلىمي ورتالىعى» اق-دا ينفەكتسياعا قارسى جاڭا ءتورت پرەپارات ازىرلەنۋدە:
- فس-1 تۋبەركۋلەزگە قارسى پرەپاراتى - وكپە تۋبەركۋلەزىنىڭ مۋلتيرەزيستەنتتىك ءتۇرى بار ناۋقاستارعا كلينيكالىق سىناقتاردىڭ ءۇشىنشى فازاسى جۇرگىزىلۋدە;
- انتيبيوتيكتەردىڭ پوتەنتسياتورى (پا) - كلينيكالىق سىناقتاردىڭ ءبىرىنشى فازاسى جۇرگىزىلۋدە;
- ينتەرفەروندار يندۋكتورى ( يف) - كلينيكاعا دەيىنگى سىناقتار جۇرگىزىلۋدە;
- كەڭ سپەكترلى اسەر ەتەتىن يممۋنومودۋلياتور (يم) - كلينيكاعا دەيىنگى سىناقتار جۇرگىزىلۋدە.
