شارا بارىسىندا بىرقاتار دارىگەر دەنساۋلىق ساقتاۋ مينيسترلىگىنىڭ ناگرادالارىمەن ماراپاتتالدى. اتاپ ايتقاندا, 44 جىلدان بەرى ورتالىقتا قىزمەت جاساپ, بالالار دەنساۋلىعىن نىعايتۋ سالاسىنا زور ۇلەس قوسىپ كەلە جاتقان دياگنوستيكالىق كەڭەس بەرۋ ءبولىمىنىڭ ارداگەر دارىگەرى, گەماتولوگ كۇلان وماروۆا دسم «ەڭبەك ارداگەرى» مەدالىمەن, 20-30 جىلدان استام بالالار دەنساۋلىعىن جاقسارتۋ جولىندا ايانباي قىزمەت جاساپ كەلە جاتقان ماماندار – پەدياتريالىق بلوكتىڭ باسشىسى گۇلنار ءابدىلوۆا, كلينيكالىق-دياگنوستيكالىق زەرتحانانىڭ دارىگەر زەرتحاناشىسى بوتاكوز سۇلتانوۆا, فۋنكتسيونالدى-دياگنوستيكالىق جانە فيزيوتەراپيا ءبولىمىنىڭ مەيىربيكەسى ساۋلە زايتوۆا, دياگنوستيكالىق كەڭەس بەرۋ ءبولىمىنىڭ مەيىربيكەسى سۆەتا ايدارحانوۆا «دەنساۋلىق ساقتاۋ ىسىنە قوسقان ۇلەسى ءۇشىن» توسبەلگىسىمەن ماراپاتتالدى.
ال فۋنكتسيونالدىق دياگنوستيكا ءبولىمىنىڭ دارىگەرى زاۋرە قايىربەكوۆا, رەنتگەەندوسۆاسكۋليارلىق كارديوحيرۋرگيا ءبولىمىنىڭ كارديوحيرۋرگ دارىگەرى گۇلجان سارسەنباەۆا, كلينيكالىق-دياگنوستيكالىق لابوراتوريانىڭ زەرتحاناشى لابورانتى گۇلناز كۋتاشوۆا, ساۋلەلى دياگنوستيكالىق ۋلترادىبىستىق بولىمشەنىڭ مەيىربيكەسى باقىتگۇل بەردىباەۆا «دەنساۋلىق ساقتاۋ ءىسىنىڭ ۇزدىگى» اتانىپ, توسبەلگىمەن مارپاتتالدى.
ايتۋلى كۇنى, سونىمەن قاتار, دسم قۇرمەت گراموتالارىمەن: جالپى پەدياتريا ءبولىمىنىڭ كارديولوگ دارىگەرى ءاليا بۇعىباي, ەرتە جاستاعى بالالارعا ارنالعان گەماتولوگيا ءبولىمىنىڭ بالالار گەماتولوگ دارىگەرى اسەل مۇراتوۆا, فۋنكتسيونالدى دياگنوستيكا جانە فيزيوتەراپيا ءبولىمىنىڭ مەيىربيكە-ءماسساجيسى بۇلبۇل جامبوتاەۆا, №2-ءشى بالالار ونكولوگيا ءبولىمىنىڭ شارۋابيكەسى ەلميرا يبراگيموۆا ماراپاتتالسا, دسم العىس حاتتارىمەن حيرۋرگيا ءبولىمىنىڭ دارىگەر حيرۋرگى ازامات ورازالينوۆ, نەوناتولوگيا جانە نارەستەلەر حيرۋرگياسى ءبولىمىنىڭ نەوناتولوگ دارىگەرى ايجان بايعۇتتيەۆا, پۋلمونولوگيا ءبولىمىنىڭ اعا مەيىربيكەسى گۇلميرا چەدىرباەۆا, ۋدد جانە ساۋلەلى دياگنوستيكا ءبولىمىنىڭ اعا مەيىربيكەسى نازگۇل اتانبەكوۆا ماراپاتتالدى.
ەرەن ەڭبەكتەرى باعالانىپ, ەڭبەگى ەلەنگەن اق حالاتتى ابزال جانداردى ورتالىق باسشىسى ريزا بورانباەۆا ءوز قولىمەن ماراپاتتاپ, باعاسى ولشەۋسىز ەڭبەكتەرىنە زور العىسىن ءبىلدىردى. العى قۇتتىقتاۋ سوزىندە كلينيكا باسشىسى ورتالىقتىڭ ەگەمەندىكتىڭ ارقاسىندا قول جەتكىزگەن جەتىستىكتەرىن بايانداپ, بارشا قاۋىمدى كەلە جاتقان ۇلىق مەرەكەمەن قۇتتىقتادى.
شارا شاعىن كونتسەرتتىك قويىلىممەن اياقتالدى.
الماتى
