ەگەر اكي ۇلىلار ۇلى بولماعاندا...
بىردە نيۋتون الما اعاشىنىڭ تۇبىندە ءجايدان-جاي قيالعا بەرىلىپ وتىر ەدى, ءبىر المانىڭ ناق توبەسىنە توپ ەتە قالعانى بار.
ۇلى ويشىل: «ە, بيىل المادان مولشىلىق بولايىن دەپ تۇر ەكەن, ءبۇيتىپ ساباعىنان ۇزىلە بەرگەن المانى بازارعا تاسىپ جەتكىزىپ قۇتىلعان ءجون شىعار...» دەگەن شەشىمگە كەلدى.
***
ارحيمەد تولا سۋ قۇيىلعان ۆانناعا ءتۇسىپ ەدى, ونسىز دا ەرنەۋىندە تۇرعان سۋ اسىپ توگىلىپ ەدەنگە توگىلگەنى بار ەمەس پە.
«قاپ اتاڭانالەت-اي, قازىر عوي, تومەندە تۇراتىن كورشى جەتىپ كەلىپ, توبەدەن سۋ اعىزدىڭ دەپ شات-شالەكەي بولاتىن بولدى-اۋ» دەپ كۇيىندى ول.
***
بىردە كولۋمبقا تەڭىزبەن ۇزاق ساپارعا شىعۋعا ۇسىنىس جاسالىنادى.
سوندا ول ىشتەي: «نەمەنەگە مەن امەريكانى اشۋعا بارا قويامىن, مۇندا ماعان ونسىز دا جايلى ەمەس پە» دەپ كەيىگەن ەكەن.
***
شەرلوك حولماس پەن دوكتور ۆاتسون بىردە قالا سىرتىندا پالاتكا تىگىپ الىپ تۇنەپ جاتىپتى. ءتۇن ورتاسىندا ۆاتسون حولمستى ءتۇرتىپ وياتىپ, توبەدەن ءتونىپ تۇرعان جۇلدىزدى نۇسقاپ:
– سوناۋ شوق جۇلدىز بىزگە ءبىر نارسەنى مەڭزەمەي مە؟ – دەپ سۇراپتى.
– جوق-ا... نە, سىزگە ءبىر بەلگى بەرە مە؟
– ماعان ول ايتادى: سىزدەردىڭ پالاتكىلەرىڭىز قولدى بولىپ كەتتى دەيدى...
***
بىردە اتاقتى جازۋشى مارك تۆەن بار-جوعى ءبىر عانا ءسوز جازىلعان حات الىپتى. اق پاراقتىڭ بەتىندەگى «شوشقا» دەگەن ءسوزدى وقىپ توسىرقاپ وتىرىپ قالادى دا, ەرتەسىندە گازەت بەتىندە: «مەن كەي-كەيدە ءوز اتى-ءجونىن جازۋدى ۇمىتىپ كەتەتىن ادامداردان حاتتار الامىن. ال كەشە, ءوز وي-پىكىرىن جازباي, تەك اتى-ءجونىن عانا كورسەتكەن «ەرەكشە» حات الدىم» دەپ جازىپتى.
