وتىرىس قازاقستان پارلامەنتى سەناتىنىڭ توراعاسىنىڭ ورىنباسارى اسقار شاكىروۆ پەن رەسەي فەدەراتسيا كەڭەسى توراعاسىنىڭ ورىنباسارى يلياس ۋماحانوۆتىڭ توراعالىعىمەن ءوتتى. وتىرىسقا قازاقستان تاراپىنان پارلامەنت سەناتىنىڭ دەپۋتاتتارى مۇحتار قۇل-مۇحاممەد, ۆلاديمير ۆولكوۆ, ولگا پەرەپەچينا, عۇمار دۇيسەمباەۆ, جەڭىس نۇرعاليەۆ, تولەۋبەك مۇقاشەۆ, قايرات قوجامجاروۆ, تالعات مۇساباەۆ, دانا نۇرجىگىتوۆا جانە نۇرجان نۇرسيپاتوۆ قاتىستى.
وتىرىس بارىسىندا شەكارا ماڭى ىنتىماقتاستىعىنداعى ساندىق ەكونوميكا, ۇلتارالىق جانە كونفەسسياارالىق ۇنقاتىسۋ ماسەلەلەرى, سونداي-اق III ەۋرازيالىق ايەلدەر فورۋمىنا دايىندىق بارىسى قارالدى.
سەنات توراعاسىنىڭ ورىنباسارى, كوميسسيانىڭ قازاقستاندىق تاراپتان تەڭ توراعاسى اسقار شاكىروۆ ءوز سوزىندە كوميسسيانىڭ سوڭعى بىرنەشە جىلدا ومبى, ورال, اتىراۋ, سوچي, التاي ولكەسى, اقتاۋ جانە الماتى قالالارىندا وتكەن وتىرىستارىنىڭ ناتيجەلى بولعانىن اتاپ ءوتتى.
سەنات باسشىسى ورىنباسارىنىڭ ايتۋىنشا, كوميسسيانىڭ جۇمىسى بارىسىندا جوعارعى پالاتالار دەپۋتاتتارى ەكىجاقتى ىنتىماقتاستىقتىڭ اۋقىمدى ماسەلەلەرىن تالقىلاپ, ۇلتتىق زاڭنامالاردى جاقىنداستىرۋ جانە قازاقستان-رەسەي ارىپتەستىگىن تەرەڭدەتۋدىڭ وڭتايلى جولدارىن ىزدەستىرۋدە ماڭىزدى ىستەردى جۇزەگە اسىردى.
«تەك سوڭعى 5 جىلدا قازاقستان پارلامەنتى رەسەيمەن جاسالعان 26 حالىقارالىق كەلىسىمدى بەكىتتى, ول قازاقستان-رەسەي قارىم-قاتىناستارىنىڭ دامۋىنا وڭ اسەر ەتتى», دەدى ا.شاكىروۆ.
يلياس ۋماحانوۆ ءوز سوزىندە فەدەراتسيا كەڭەسى ءۇشىن قازاقستاندىق ارىپتەستەرمەن ايماقارالىق بايلانىستاردى نىعايتۋدىڭ ماڭىزى زور ەكەنىن اتاپ ءوتتى. كوميسسيانىڭ كەلەسى وتىرىسى قازاقستاندا وتەتىن بولدى.
سەناتورلار شارا اياسىندا تاتارستان رەسپۋبليكاسىنداعى قازاق دياسپوراسىمەن كەزدەستى. كەزدەسۋدە ەكى ەل اراسىنداعى دوستىق قاتىناستاردى دامىتۋ, الەۋمەتتىك-ەكونوميكالىق بايلانىستاردى ودان ءارى دامىتۋ, ۇلتتىق قۇندىلىقتاردى, ونىڭ ىشىندە قازاق ءتىلىن, مادەنيەتى مەن داستۇرلەرىن ساقتاۋ مەن دامىتۋ ماسەلەلەرى تالقىلاندى.
