ماڭعىستاۋ وبلىسىنىڭ اكىمى اليك ايدارباەۆ تىكەلەي ەفير ارقىلى وبلىس تۇرعىندارىمەن جانە جۋرناليستەرمەن ءباسپاسوز ءماسليحاتىن وتكىزدى. وبلىستا تۇڭعىش رەت اشىق اڭگىمەلەسۋ, سۇراقتارعا تىكەلەي جاۋاپ قايتارۋ تۇرىندە وتكىزىلگەن جيىنعا اۋدان, قالا اكىمدەرى, سالالىق باسقارمالار باسشىلارى, ۇلتتىق مادەني بىرلەستىكتەر مەن ۇكىمەتتىك ەمەس ۇيىمدار وكىلدەرى, پارتيالار جەتەكشىلەرى جانە جۋرناليستەر قاتىستى.
ماڭعىستاۋ وبلىسىنىڭ اكىمى اليك ايدارباەۆ تىكەلەي ەفير ارقىلى وبلىس تۇرعىندارىمەن جانە جۋرناليستەرمەن ءباسپاسوز ءماسليحاتىن وتكىزدى. وبلىستا تۇڭعىش رەت اشىق اڭگىمەلەسۋ, سۇراقتارعا تىكەلەي جاۋاپ قايتارۋ تۇرىندە وتكىزىلگەن جيىنعا اۋدان, قالا اكىمدەرى, سالالىق باسقارمالار باسشىلارى, ۇلتتىق مادەني بىرلەستىكتەر مەن ۇكىمەتتىك ەمەس ۇيىمدار وكىلدەرى, پارتيالار جەتەكشىلەرى جانە جۋرناليستەر قاتىستى.
ساۋالدارىن زالعا جيىلعاندار اكىمگە تىكەلەي قويۋ مۇمكىندىگىنە يە بولسا, وبلىس تۇرعىندارى تەلەفون, ەلەكتروندى پوشتا ارقىلى جولدادى. ءباسپاسوز ءماسليحاتىنا وبلىستىق دەڭگەيدەگى بۇقارالىق اقپارات قۇرالدارى وكىلدەرىمەن بىرگە, رەسپۋبليكالىق «ايقىن», «جاس قازاق», «الاش ايناسى» گازەتتەرىنىڭ باس رەداكتورلارى قاتىستى. اكىمنىڭ اشىق اڭگىمە الاڭى جەرگىلىكتى «قازاقستان-اقتاۋ» تەلەارناسىندا جانە «lada.kz» سايتىندا وبلىس جۇرتشىلىعىنا تىكەلەي كورسەتىلدى. ءباسپاسوز ءماسليحاتىنىڭ وتەتىندىگى تۋرالى تۇرعىندار جەرگىلىكتى باق-تار ارقىلى الدىن الا قۇلاقتاندىرىلدى. سونداي-اق, ارنايى شتاب جۇمىس ىستەپ, وبلىستىڭ تۇكپىر-تۇكپىرىنەن تۇسكەن ساۋالداردى ءماسليحاتتى جۇرگىزۋشىلەر ارقىلى جەتكىزىپ وتىردى.
تىكەلەي ەفير ارقىلى جۇرگىزىلگەن ءباسپاسوز ءماسليحاتى تۇرعىندار ءۇشىن وزدەرىن مازالاعان ماسەلە مەن شەشىمىن تاپپاي داعدارعان جايتتى باسشىلىققا جەتكىزۋدىڭ ۇتىمدى, توتە جولى بولدى. سوندىقتان كەلىپ تۇسكەن ساۋالدار تاقىرىبى سانالۋان, ماڭىزى جاعىنان قورعاسىنداي سالماققا يەلەرى دە بار. ايتار ويى وزەكتى, جۇتىنعان جۇپ-جۇمىرلارى دا, اكىمنىڭ جەكە ومىرىنە, قىزمەتىنە, ماڭعىستاۋ وبلىسىنىڭ 40, اقتاۋ قالاسىنىڭ 50 جىلدىعىنا قاتىستى «جايماشۋاق» سۇراقتار دا جەتكىلىكتى.
ماڭعىستاۋ وبلىسىنىڭ الەۋمەتتىك-ەكونوميكالىق دامۋىنا, جول, اۋىز سۋ, جارىق, گاز سەكىلدى ينفراقۇرىلىم ماسەلەسىنە, ءارتۇرلى سەبەپتەرمەن بەلگىلەنگەن مەرزىمىندە تاپسىرىلماعان قۇرىلىس نىساندارىنا, وبلىستىڭ ەكولوگيالىق احۋالىنا, بالاباقشامەن قامتىلۋعا, سپورت سالاسىنىڭ دامۋىنا, وڭىردەگى قوعامدىق ءتارتىپتىڭ ساقتالۋىنا قاتىستى, وزگە دە سۇراقتارعا اليك سەرىك ۇلى سول سالالاردىڭ باسشىلارىن قاتىستىرا وتىرىپ, ناقتى جاۋاپ قايتاردى. سونداي-اق, تۇرعىنداردى اقتاۋ قالاسىندا ۇزاق جىلداردان بەرى ەڭ وتكىر قالپىن ساقتاپ كەلە جاتقان ليفت ماسەلەسى, كوگالداندىرۋ جايى مەن قالاىشىلىك جولدار ساپاسى الاڭداتاتىنى اڭعارىلدى. سۇراقتار وبلىستا قىلمىس سانىنىڭ ارتۋىن, كەيبىر مەملەكەتتىك قىزمەتكەرلەردىڭ مىنەز-ق ۇلىق ەتيكاسىن ساقتاماۋىن جانە دارىگەرلەردىڭ ەمدەلۋشىلەرمەن قارىم-قاتىناسىن سىنعا ءىلدى. ءتۋريزمدى دامىتۋ باعىتىندا قولعا الىنعان جۇمىستار تۋرالى سۇراي تۇرىپ, ونىڭ ەڭ قاراپايىم بەلگىسى تەڭىز جاعالاۋىنىڭ دەمالۋشىلارعا قىزمەت كورسەتۋ كوكجيەگىن كەڭەيتۋ اڭگىمەسى دە نازاردان تىس قالعان جوق. جەرگىلىكتى كادرلاردى جۇمىسقا الۋداعى كەلەڭسىزدىكتەر, جەتىم بالالاردى قامقورلاۋ, تەڭىز جاعاسىندا وتىرىپ بالىقتان اۋىز تيمەۋدىڭ سەبەبى جانە ونى شەشۋ, ماڭعىستاۋدا مامانداردىڭ, سونىڭ ىشىندە جۋرناليستەردىڭ جەتكىلىكسىزدىگى, توعىز جولدىڭ تورابى اتانعان وڭىردە قولعا الىنعان جوبالاردىڭ, اسىرەسە, كولىك-لوگيستيكاعا قاتىستى جوبالاردىڭ جۇزەگە اسۋ بارىسى مەن ودان كۇتىلەتىن ناتيجە, ءبىر جىلدارى ەل قۇلاعىن شۋلاتقان «اقتاۋ-سيتي» قالا قۇرىلىسىنىڭ بولاشاعى, مۇناي سالاسىنىڭ مۇڭنان سەيىلۋى, تۇرعىن ءۇي قۇرىلىسى, وبلىس اۋىلشارۋاشىلىعىنىڭ تۇرالاۋى, «بەينەۋ-شەتپە», «شەتپە-اقتاۋ», «اقتاۋ-جاڭاوزەن» اۆتوكولىك جولىنىڭ قۇرىلىسى, ت.ب. وزەكتى دە وتكىر سۇراقتار قارشا بورادى. شتاب قىزمەتكەرلەرىنىڭ حابارلاۋىنشا, سۇراقتاردى قابىلداۋ تاڭەرتەڭگى ساعات 9-دا باستالىپ, 3 ساعاتقا سوزىلعان. وسى ۋاقىت ىشىندە اكىمگە 324 سۇراق كەلىپ تۇسسە, ونىڭ 94-ءى ەلەكتروندى پوشتاعا, «لادا» گازەتىنىڭ سايتىنا – 80, تەلەفون بايلانىسى ارقىلى قابىلداۋعا 150 سۇراق تيەسىلى. سۇراقتاردى ەڭ كوپ جولداپ, ءباسپاسوز ءماسليحاتىنا بەلسەندىلىكپەن قاتىسقان اقتاۋ قالاسىنىڭ تۇرعىندارى بولدى. ولار 223 سۇراق جولداسا, مۇنايلى اۋدانىنان – 32, جاڭاوزەن قالاسىنان – 22, تۇپقاراعان اۋدانىنان – 21, قاراقيا مەن ماڭعىستاۋ اۋداندارىنىڭ ارقايسىسىنان 10 سۇراقتان جانە بەينەۋ اۋدانىنان 6 سۇراق تۇسكەن. ال سۇراقتاردىڭ ءتۇسۋ جيىلىگىنە كەلسەك, شامامەن 70 سەكۋندقا ءبىر سۇراقتان كەلىپتى. ەكى ساعاتقا سوزىلعان ءماسليحاتتا وبلىس اكىمى ا.ايدارباەۆ ۋاقىتقا با
