رۋحانيات • 19 قاراشا، 2019

اقىنعا ارنالعان كۇن

80 رەتكورسەتىلدى

«پوەزيا پاديشاسى» اتانعان فاريزا اقىن كوزى تىرىسىندە-اق اڭىزعا اينالعان تۇلعا ەدى. ءور مىنەزىمەن، لاۋلاعان ورتتەي سۇراپىل جىرلارىمەن، قايراتكەرلىگىمەن، ۇلكەن-كىشىگە بىردەي قامقورلىعىمەن حالىقتىڭ جۇرەگىنەن ورىن العان اقىننىڭ كوزدەن كەتسە دە، كوڭىلدەن كەتپەي، جىلدان-جىلعا جاس ۇرپاق ساناسىندا جاتتالا بەرۋى – زاڭدى قۇبىلىس. فاريزا اقىننىڭ بيىلعى سەكسەنجىلدىق مەرەيتويى دا جەر-جەردە لايىقتى تۇردە اتالىپ وتۋدە.

كۇنى كەشە ەل استاناسى – نۇر-سۇلتان قالاسىندا قالا­لىق اكىمدىكتىڭ قولداۋىمەن، سوڭىنان ەرگەن ۇلكەن-كىشى زيالى زامانداستارىنىڭ ال­قاۋىمەن ءبىر كۇننىڭ ىشىندە بىرنەشە شارا ءوتتى. سونىڭ ءبىرى – نۇر-سۇلتان قالاسىنداعى ەكسپو قالاشىعىنىڭ ما­ڭىن­داعى ۇلكەن كوشەلەردىڭ بى­رىنە فاريزا وڭعارسىنوۆانىڭ اتىنىڭ بەرىلۋى. ايتۋلى شا­راعا قالالىق اكىمشىلىك پەن اتىراۋلىق ءبىر توپ قوناق، ەلور­دالىق زيالى قاۋىم وكىل­دەرى قاتىستى. اقىن ەسىمىن يە­لەنگەن كوشەنىڭ لەنتاسىن نۇر-سۇلتان قالاسى اكىمى­نىڭ ورىن­باسارى باقتيار ما­كەن مەن اقىننىڭ ۇلى ال­ماس وڭعارسىنوۆ قيدى. «اقىننىڭ جانىندا بىرگە جۇر­گەن ارىپتەستەرى، قوعام قاي­­رات­كەرلەرى ءبارى بىرلەسىپ ءوز ۇسى­نىستارىن ايتتى. كوشە اتاۋىن 80 جىلدىق مەرەيتويى­نا قاتىستى بەرىپ وتىرمىز»، دەگەن قالا اكىمىنىڭ ورىنباسارى فاريزا وڭعارسىنوۆانىڭ كوزى تىرىسىندە اقىندىعىمەن، قايراتكەرلىگىمەن تانىلىپ، كوپ ىستەرگە ۇيىتقى بولعانىن مالىمدەدى.

فاريزا وڭعارسىنوۆا اتىن­­داعى كوشە رەسمي تۇردە اشىلعان سوڭ اتىراۋدان كەلگەن قوناقتار مەن ەلوردالىق زيالى قاۋىم ۇلتتىق پان­تەونعا بارىپ، اقىننىڭ بەيى­تىنە گۇل شوقتارىن قويدى، باسىنا قۇران باعىشتادى. ال ءتۇس كەزىندە Radisson Hotel Astana قوناقۇيىن­دە اقىنعا ارناپ اس بەرىلدى. استى «Egemen Qazaqstan» گازەتىنىڭ باسقارما توراعاسى دارحان قىدىرالى جۇرگىزدى.

تۇستەن كەيىن ۇلتتىق اكادە­ميالىق كىتاپحانادا فاريزا وڭعارسىنوۆانىڭ «شىلدە» («پول­دنەۆنىي جار») اتتى قا­زاق جانە ورىس تىلىندەگى كىتا­بىنىڭ تانىستىرىلىمى ءوتتى. اتالعان كىتاپ مادەنيەت جانە سپورت مينيسترلىگى ءتىل سايا­سا­تى كوميتەتىنىڭ ارنايى باع­دار­لاماسى بويىنشا جارىق كور­گەن. كەش بارىسىندا كى­تاپ­تى ورىس تىلىنە اقىن، ادە­بيەت­تا­نۋشى، اۋدارماشى تاتيانا فرو­لوۆسكايانىڭ تار­جى­مالاعانى بەلگىلى بولدى. بۇل تۋرالى كىتاپ­حاناداعى كەش­كە ارنايى قوناق رەتىندە قاتىسقان، كىتاپتىڭ جارىققا شىعۋىنا تىكەلەي اتسا­لىسقان ءادىل قويتانوۆ اڭگىمەلەدى.

اسەرلى كەشتە اقىننىڭ زامانداستارى مەن ءىنى-باۋىرلارى ەستەلىكتەر ايتتى. سونىڭ ىشىندە فيلولوگيا عىلىمدارىنىڭ دوكتورى، پروفەسسور مىرزاتاي جولداسبەكوۆتىڭ، جازۋشى-دراماتۋرگ ەرمەك امانشاەۆتىڭ، اقىن، مەملەكەتتىك سىيلىقتىڭ لاۋرەاتى تىنىشتىقبەك اب­دىكاكىم ۇلىنىڭ، ەكونومي­كا عى­لىمدارىنىڭ دوكتورى را­ۆيل شىرداباەۆتىڭ، تا­نى­مال پۋبليتسيست، ستسەناريست عا­دىلبەك شالاحمەتوۆتىڭ ف­ا­ريزا اقىن جايلى تۇشىمدى ەستەلىكتەرى ونى ءار قىرىنان تانۋعا مۇمكىندىك بەردى، اياۋلى جان جونىندە كەشكە قاتىسقان جاڭا بۋىن جاستاردىڭ پىكىر قالىپتاستىرۋىنا تولىعىمەن جەتتى. بۇل ەستەلىكتەر ەڭ الدىمەن اقىننىڭ ازاماتتىق ۇس­تانىمى، ادامدىق كەلبەتى مەن قالام قۋاتى جونىندە ءوربىدى. «مەنى «اعا» دەيتىن. سىي­لاپ تۇراتىن. كوڭىلى تۇسكەن كىسىنى كولدەي پەيىلىمەن باۋراپ الاتىن. ونىڭ سوڭىنان ەرگەن سىڭلىلەرىنە دەگەن جان­اشىر­لىعى ەرەك بولدى. 2008 جىلى «فاريزا جانە ونىڭ اقىن سىڭلىلەرى» دەگەن كەش ءوتتى. بۇل كەش الدىمەن سول كەز­­دەگى پرەزيدەنتتىك مادە­نيەت ورتالىعىندا، سوڭىنان كون­گرەسس-حولل سارايىندا ۇيىم­داستىرىلدى. حالىقتىڭ اقىنعا دەگەن ەرەكشە ىقى­لاسىن سوندا كوردىم»، دەدى مىر­­زاتاي جول­داسبەكوۆ. ەكو­­نوميكا عى­لىم­دارىنىڭ دوكتورى راۆيل شىرداباەۆ قوعامنىڭ فاريزانى كوبىندە اقىن رەتىندە عانا تانيتىنىن، ايتسە دە اقىننىڭ جۋرنا­ليستيكا، سونىڭ ىشىندە پۋبليتسيستيكا سالاسىنداعى ەڭ­بەگى دە جوعارى ەكەنىنە توق­تالدى. جازۋشى-دراماتۋرگ ەرمەك امانشاەۆ اقىننىڭ «شابىت» فەستيۆالىنىڭ قا­زىلار القاسىندا كوپ جىلدار بويى تۇراقتى تۇردە ءتورايىم بولعانىن، دارىندى جاستارعا ەرەكشە قامقورلىق كورسەتكەنىن بىرنەشە مىسالمەن اتاپ ءوتتى. كەڭ پەيىلدى اقىننىڭ ات­قارۋشى بيلىك تۇتقاسىندا وتىر­عان ازاماتتارعا ءسوزىن وت­كىزە الاتىن وتكىر بولعانىن دا جەتكىزدى.

كەش بارىسىندا ەلوردالىق جاستار اقىن جىرلارىن جاتقا وقىدى. ولار ولەڭدەردى جاتقا وقۋمەن قاتار اراسىندا گيتارامەن، جاندى داۋىستا دۋەت بولىپ ءان شىرقاپ، كورەرمەندەرگە كىشىگىرىم تەاترلاندىرىلعان كورىنىس ۇسىندى.

فاريزا اقىنعا ارنالعان سول كۇنگى كەش جاستار تەا­ترىن­­­دا قويىلعان «فا­ري­زا» سپەكتاكلىمەن قورى­تىن­­دى­لاندى. بۇعان دەيىن ماس­كەۋ، الماتى تەاترلارىن­دا قويىلعان «فاري­زا» سپەك­تاك­لىنىڭ ەلورداداعى پرەمەراسىنا ادەتتەگىدەي حالىق كوپ جينالدى.

سوڭعى جاڭالىقتار

كۇلكى كەرۋەنى № 21

رۋحانيات • بۇگىن، 10:41

شاعامان باتىر

تاريح • بۇگىن، 07:28

361 ليفت اۋىستىرىلادى

ايماقتار • بۇگىن، 07:18

وڭىردەگى ونەگەلى ءىس

قوعام • بۇگىن، 07:17

ءىرى ەسەپپەن باسىم ءتۇستى

سپورت • بۇگىن، 07:00

«ءتسۋناميدى» سۇلاتىپ سالدى

كاسىپقوي بوكس • بۇگىن، 06:56

استىڭ ءدامىن كەلتىرگەن

ايماقتار • بۇگىن، 06:53

سايرايدى بۇلبۇل...

رۋحانيات • بۇگىن، 06:51

ءىزى ايقىن، ءىسى مىعىم

قوعام • بۇگىن، 06:49

ۇقساس جاڭالىقتار