«5-20-25» باعدارلاماسى: 5%-بەن تۇرعىن ءۇي الۋعا جەڭىلدىكتى نەسيەنى كىم الا الادى

قوعام • 18 قاراشا، 2019

«5-20-25» باعدارلاماسى: 5%-بەن تۇرعىن ءۇي الۋعا جەڭىلدىكتى نەسيەنى كىم الا الادى

ۇكىمەتىنىڭ ءباسپاسوز ورتالىعىندا وتكەن ءباسپاسوز كونفەرەنتسياسىندا يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ جانە قازاقستان «قازاقستان تۇرعىنۇيقۇرىلىسجيناقبانكى» اق باسقارما توراعاسى ءلاززات يبراگيموۆا «5-20-25» جاڭا تۇرعىن ءۇي باعدارلاماسىنىڭ كريتەريلەرى مەن شارتتارى تۋرالى ايتىپ بەردى. بۇل تۋرالى primeminister.kz حابارلادى.

Egemen Qazaqstan

يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆ «5-20-25» باعدارلاماسىنىڭ 25 جىلعا 20% باستاپقى جارناسىمەن جىلدىق 5%-بەن يپوتەكالىق زايم ۇسىنۋدى قاراستىراتىنىن ايتتى. بۇل باعدارلاما بويىنشا تۇرعىن ءۇي الۋعا اسكەريلەر، مەملەكەتتىك قىزمەتكەرلەر مەن بيۋدجەتتىك سالا قىزمەتكەرلەرى ۇمىتكەر بولا الادى.

ء«اربىر كەزەك ساناتتارى بويىنشا بولىنگەن: كوپ بالالى انالار، جەتىم بالالار، مۇگەدەك بالالاردىڭ اتا-انالارى، مەملەكەتتىك قىزمەتكەرلەرى، بيۋدجەت سالاسىندا ىستەيتىندەر ت.ب. بىراق ساناتتارى بويىنشا ادامداردىڭ تۇرعىن ۇيگە مۇقتاجدىعىن بىلۋگە بولمايدى. مەملەكەتتىك قىزمەتكەرلەر ءار ءتۇرلى.. سوندىقتان ءبىز كەزەكتەگىلەردى تابىسى بويىنشا ءبولۋدى ۇيعاردىق»، — دەدى ق. وسكەنباەۆ مەملەكەتتىك قىزمەتكەرلەردىڭ جالاقىسى لاۋازىمىنا بايلانىستى تۇرلىشە بولاتىنىن اتاپ ءوتىپ.

ماسەلەن، وتباسىنىڭ ءاربىر مۇشەسىنە شاققاندا ەڭ تومەنگى كۇنكورىس دەڭگەيىنىڭ 3،1 دەيىنگى تابىسى بار ساناتتار ءۇشىن تۇرعىنۇيقۇرىلىسجيناقبانكى ىسكە اسىرا باستاعان تەتىك - «5-20-25» باعدارلاماسى بويىنشا اكىمدىكتەر بەرەتىن تۇرعىن ءۇي ۇسىنىلادى.

«تابىسى بۇدان جوعارى ادامدار «7-20-25» باعدارلاماسىنا نەمەسە ەكىنشى دەڭگەيلى بانكتەردىڭ باعدارلامالارىنا قاتىسۋى كەرەك»، — دەپ ءتۇسىندىردى ۆيتسە-مينيستر. بۇل رەتتە جالاقىسى جوعارى مەملەكەتتىك قىزمەتكەرلەردىڭ مەملەكەت سۋبسيديالايتىن جەڭىلدىكتى مەملەكەتتىك باعدارلامالارعا قاتىسۋعا قۇقىعى جوق ەكەنى، مەن جوعارىراق شىعىندى تەتىكتى قولدانۋى كەرەكتىگى اتاپ ءوتىلدى.

ل. يبراگيموۆا وسى تۇرعىن ءۇي باعدارلاماسىنا قاتىسۋ شارتتارى تۋرالى تولىعىراق ايتىپ بەردى.

«شىن مانىسىندە، «5-20-25» فورمۋلاسى 2016 جىلدىڭ جەلتوقسان ايىنان بەرى جۇمىس ىستەيدى. ءبىز تۇرعىنۇيقۇرىلىسجيناقبانكى رەتىندە بۇل فورمۋلا بويىنشا 20% كولەمىندە باستاپقى جارنا بولعان جاعدايدا جىلدىق 5% مولشەرلەمەسىمەن نەسيە بەرەمىز. باعدارلاما ىسكە اسىرىلعاننان بەرى ءبىز جالپى سوماسى 150 ملرد تەڭگەگە 19 800 زايم بەردىك. بۇل رەتتە بيۋدجەتتەن 93 ملرد تەڭگە ءبولىندى. 57 ملرد — قايتارىمدى رەسۋرستار نەمەسە تۇرعىن ءۇي باعاسىنان 50% جيناعان ادامداردىڭ رەسۋرستارى بولدى»، — دەدى ول.

باعدارلاماعا قاتىسۋ كريتەريلەرى:

● اكىمدىكتىڭ كەزەگىندە تۇرۋى ءتيىس;

● سوڭعى 5 جىلدا مەنشىگىندە باسپاناسى بولماۋى ءتيىس.

«بۇگىن ۇكىمەت وتىرىسىندا قوسىمشا 14 ملرد تەڭگە قاراجات ءبولۋ قاراستىرىلدى. سۇرانىس وتە جوعارى. بۇل باعدارلاما ءساتتى ىسكە اسىرىلۋدا. تەك سوڭعى جىلدا ءبىز 6913 زايم بەردىك جانە قازىر ونى جالعاستىرامىز»، — دەدى ل. يبراگيموۆا.

ق. وسكەنباەۆ تۇسىندىرگەندەي، بۇل باعدارلاما بويىنشا تۇرعىن ءۇيدىڭ ءبىر شارتى مەترى نۇر-سۇلتان، الماتى، شىمكەنت، اقتاۋ، اتىراۋ قالالارىندا 180 مىڭ تەڭگەنى قۇرايدى، قالعان وڭىرلەردە — 140 مىڭ تەڭگە. بۇل رەتتە ول باعدارلاما ىسكە اسىرىلعان كەزدەن باستاپ 5 جىل بويى تۇرعىن ءۇيدىڭ شارشى مەترىنىڭ قۇنى وزگەرمەگەنىن اتاپ ءوتتى.

ء«بىزدىڭ قۇرىلىس كومپانيالارى بۇل ۋاقىت ارالىعىندا قۇرىلىس كولەمىنە ىقپال ەتەتىن كوپتەگەن قۇرىلىس ماتەريالدارىنىڭ باعاسى قىمباتتاعانى تۋرالى ايتاتىنى تۇسىنىكتى. بىراق، بۇل تەتىكتىڭ وزەگى قايتارىمدىلىعىنا نەگىزدەلگەن. ياعني، جەرگىلىكتى اتقارۋشى ورگاندار نەسيە الادى، وبليگاتسيالاردى ساتادى دا 50%-بەن بايتەرەك ۇبح اق-دان اقشا الىپ، تۇرعىن ءۇي سالادى، بۇل قاراجاتتى ولار ەكى جىل ىشىندە قايتارۋى كەرەك. بۇل قاراجات قايتا جاڭا قۇرىلىسقا باعىتتالادى. ءبىز ءۇشىن ءبىزدىڭ سالاتىن تۇرعىن ۇيلەرىمىزدىڭ اينالىمعا ءتۇسىپ، اقشانى قايتارىلۋى وتە ماڭىزدى، ويتكەنى جۇيەدە جاڭا قۇرىلىسقا اقشا بولۋى كەرەك. نەگە ءبىز قۇرىلىس قۇنىن ارتتىرمايمىز؟ وتيكەنى ءبىز تۇرعىنداردىڭ مۇمكىندىكتەرىن ەسكەرەمىز»، — دەدى ۆيتسە-مينيستر.

ونىڭ ايتۋىنشا، ەگەر تۇرعىن ءۇي قۇنى ورتاشا باعاسىنان جوعارى بولسا (180 مىڭ تەڭگە — نۇر-سۇلتان، الماتى، شىمكەنت، اقتاۋ، اتىراۋ قالالارىندا، 140 مىڭ تەڭگە — باسقا وبلىس ورتالىقتارىندا)، وندا جەرگىلىكتى اتقارۋشى ورگاندار سۋبسيديالار بەرۋ نەمەسە باسقا جۇمىس تۇرلەرى بويىنشا شىعىنداردى جابۋ جولدارىنقاراستىرۋى كەرەك، مىسالى، سالىنىپ جاتقان ۇيگە ينجەنەرلىك كوممۋنيكاتسيالار جۇرگىزۋ، اباتتاندىرۋ ت.ب.

قر يدم مالىمەتتەرى بويىنشا قازاقستاندا ءۇش جىلدا 30 مىڭ نەسيەگە بەرىلەتىن تۇرعىن ءۇي، 21 مىڭ جالعا بەرىلەتىن تۇرعىن ءۇي سالىناتىنىن ايتا كەتەيىك، «باقىتتى وتباسى» باعدارلاماسى بويىنشا 5 مىڭ تۇرعىن ءۇي بەرىلەدى كۆازيمەملەكەتتىك سەكتور 20 مىڭعا جۋىق تۇرعىن ءۇي سالادى.