15 قاراشا، 2019

جامبىل جاباەۆ – وسكەمەن تورىندە

82 رەتكورسەتىلدى

شىعىس قازاقستاندا اقىن ەسىمى 5 مەكتەپ، 3 اۋىل مەن 33 كوشەگە بەرىلگەن.

 

كەشە وسكەمەندە «جامبىل مەنىڭ جاي اتىم، حالىق مەنىڭ شىن اتىم» دەپ جىرلاپ وتكەن اقىن، جىراۋ جامبىل جاباەۆقا ەڭسەلى ەسكەرتكىش ورناتىلدى. قولادان قۇيىلعان، بيىكتىگى تۇعىرىمەن قوسا العاندا 5 مەترگە جۋىقتايتىن ەسكەرتكىش شاھارداعى اقىن ەسىمىن يەلەنگەن ساياباققا ورناتىلدى.

احمەتوۆ

تاعىلىمدى شاراعا قالا جۇرتشىلىعىمەن بىرگە وبلىس اكىمى دانيال احمەتوۆ تە قاتىسىپ: «جىر الىبى جامبىل بابامىزدىڭ شىعارماشىلىعى جاستاردى تۋعان ەلى مەن جەرىن سۇيۋگە، وتانىن قورعاۋعا تاربيەلەيدى. سانالى عۇمىرىن ەر بىرلىگى مەن ۇلت تۇتاستىعىن ساقتاۋعا ارناعان تۇلعالارعا تاعزىم جاساۋ – بارشامىزدىڭ قاسيەتتى پارىزىمىز» دەپ ىزگى لەبىزىن جەتكىزىپ، شىعىس قازاقستاندا جىراۋ ەسىمى 5 مەكتەپ، 3 اۋىل مەن 33 كوشەگە بەرىلگەنىن اتاپ ءوتتى.

جامبىل

ەسكەرتكىشتىڭ اشىلۋ سالتاناتىنا الماتى وبلىسىنىڭ جامبىل اۋدانى جامبىل اۋىلىندا تۇراتىن نەمەرەسى سالتانات تەزەكبايقىزى جامبىلوۆا دا ارنايى كەلىپتى.

جام

«جەر ءجاناتى جەتىسۋدان جالىندى سالەمىمىزدى جولداي كەلدىك. مەن جامبىل اتامىزدىڭ ەڭ كىشى بالاسى تەزەكبايدىڭ قىزىمىن. جامبىل بابامىز جامبىل وبلىسىندا دۇنيەگە كەلگەنىمەن ءومىرىنىڭ سوڭعى كۇندەرىنە دەيىن الماتى وبلىسىنداعى جامبىل اۋىلىندا تۇرعان. ءبىر قىزىقتى دەرەك، اباي اتامىز مەن جامبىل بابامىزدىڭ اراسى ءبىر-اق جاس ەكەن. وسىدان 174 جىل بۇرىن شىڭعىستاۋدىڭ باۋرايىندا اباي اتامىز دۇنيەگە كەلسە، ءبىر جىلدان كەيىن جامبىل تاۋىنىڭ ەتەگىندە جامبىل بابامىز ءومىر ەسىگىن اشقان. وسىدان ءبىر جارىم اي بۇرىن سەمەي قالاسىندا بولىپ، جامبىل اتامىزدىڭ ءبىراز دۇنيەلەرىن اپارىپ، كورمە ۇيىمداستىردىق. تاعىلىمدى شارا ءوتتى. حالىق قۇرمەتتەگەن تۇلعاعا ەسكەرتكىش ورناتىپ جاتقان وبلىس باسشىلىعىنا، شىعىس جۇرتشىلىعىنا شىنايى العىسىمدى بىلدىرەمىن. جامبىل اتامىزدىڭ جاسىن، باعىن بەرسىن دەيمىن. اتامىزعا قويىلعان ەسكەرتكىشتەردىڭ كوبىندە دومبىراسىن قولىنا الىپ تۇراتىن ەدى. بۇل جولى مالداس قۇرعىزىپ، قولىنا دومبىرا ۇستاتقان ەكەن. وزىمە ۇنادى» دەيدى اقىننىڭ نەمەرەسى.

ەڭسەلى ەسكەرتكىشتىڭ اۆتورلارى – سارسەن سەيىتوۆ، ەركىن ماقۇلباەۆ جانە قازىبەك دۋلات. «ادەتتەگى كانونداردان باس تارتىپ، اقىننىڭ قوزعالىستاعى، جاندى بەينەسىن كورسەتۋگە تىرىستىق. سوندىقتان اقىننىڭ 50-60 جاستاعى كەزىن بەينەلەدىك» دەيدى مۇسىنشىلەر.

وسكەمەن

 

سۋرەتتەردى تۇسىرگەن تىلەۋبەك شاياحمەت

سوڭعى جاڭالىقتار

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

ۇقساس جاڭالىقتار