ايماقتار • 08 قاراشا، 2019

قىزىلورداداعى نازارباەۆ مەكتەبىندە اكەلەر كەڭەسى قۇرىلدى

28 رەتكورسەتىلدى

اكەنىڭ بالا تاربيەسىندەگى جاۋاپكەرشىلىگىن ارتتىرۋ جانە مەكتەپپەن بايلانىستى نىعايتۋ ماقساتىندا  قىزىلوردا قالاسىنداعى نازارباەۆ زياتكەرلىك مەكتەبىنىڭ جانىنان اكەلەر كەڭەسى قۇرىلىپ، العاشقى وتىرىسى ءوتتى. بۇل تۋرالى قىزىلوردا قالاسىنىڭ ءباسپاسوز قىزمەتى حابارلادى.    

ىبىراي التىنسارين ايتقانداي «اكە مەن بالا دوستىعى»  –  ەڭ قىمبات قۇندىلىق، وسى قۇندىلىقتى دارىپتەۋ مەن ناسيحاتتاۋ زياتكەرلىك مەكتەپ جۇمىسىنداعى نەگىزگى ۇستانىمدارىنىڭ بىرىنە اينالىپ وتىر. بالا تاربيەسىندە اكەنىن الار ورنى ەرەكشە ەكەنىن اتاپ وتكەن مەكتەپ ديرەكتورى باحىت جۇماتاي العاش رەت قۇرىلعان كلۋب جۇمىسىنا ساتتىلىك تىلەدى.

ال ديرەكتوردىڭ تاربيە ءىسى جونىندەگى ورىنباسارى لياززات ابدرايموۆا ءوز سوزىندە اكەلەر قاۋىمداستىعىنىڭ ماقسات-مىندەتتەرىنە توقتالىپ، جىلدىق جوسپارمەن تانىستىردى.

–اكەلەر كەڭەسىنىڭ  جۇمىسى  – وتباسىلىق قۇندىلىقتاردى ساقتاۋ، اكەلەردىڭ بالا تاربيەسىنە ات سالىسۋعا شاقىرۋ جانە جاسوسپىرىمدەر اراسىندا قۇقىق بۇزۋشىلىقتىڭ الدىن الۋ شارالارىن ۇيىمداستىرۋداعى اتا-انانىڭ بەلسەندىلىگىن ارتتىرۋ مەن  مەكتەپتىڭ ۇل بالالارىن ەڭبەككە تارتۋعا باعىتتالعان،دەدى لياززات وندىرىسقىزى.

كەڭەستىڭ العاشقى وتىرىسىنا 7-12 سىنىپ وقۋشىلارىنىڭ 70-كە جۋىق اتا-اناسى قاتىسۋعا نيەت ءبىلدىردى. ارنايى وتكىزىلگەن ترەنينگ بارىسىندا قاتىسۋشى اكەلەر ءبىر بىرىمەن دوستىق قارىم-قاتىناس ورناتىپ، توپتا بىرلەسىپ جۇمىس جاساۋ بارىسىندا كلۋب جۇمىسىن ۇيىمداستىرۋدا ءوز پىكىرلەرىن ءبىلدىردى. سونداي-اق بۇرىڭعى جانە قازىرگى زامانداعى اكەلەردىڭڭ ءرولىن سالىستىرۋ، زاماناۋي اكەلەردىڭ وتباسىنداعى ورنىن تالداۋ ارقىلى تىڭ يجوبالارىمەن ءبولىستى.  
كەزدەسۋ سوڭىندا ەر ازاماتتار تاقتايشاعا وركەننىڭ سۋرەتىن شەگە قاعىپ سالۋ تاپسىرماسىن ورىنداپ، اۋىزبىرشىلىكتەرىن كورسەتتى.

«مەكتەبىمىزدە اكەلەر كلۋبى اشىلعانىنا قۋانىشتىمىن. بالالارىمىزدىڭ تاربيەسىنە مەكتەپ قانا ەمەس، اتا-انالار، سونىڭ ىشىندە اكەلەر دە ارالاسىپ، بەلسەندىلىك تانىتقانى ابزال»، دەدى جاندوس ساعىنبەك ۇلى.

كلۋبتىڭ جىلدىق جوسپارىنا سايكەس اكەلەر الداعى ۋاقىتتا وقۋشىلارمەن اقپاراتتىق-تانىمدىق، سپورتتىق شارالاردا باس قوسىپ،  ەرەكشە نازار اۋدارۋدى قاجەت ەتەتىن وتباسىلاردىڭ بالالارىمەن بىرلەسكەن جۇمىستار جۇرگىزەتىن بولادى.  

سوڭعى جاڭالىقتار

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

بالۋاندار تارازدا بەلدەسەدى

كۇرەس • 15 قاراشا، 2019

Grand Slam جارىسىندا بەلدەسەدى

سپورت • 15 قاراشا، 2019

مەكسيكالىقتىڭ قارسىلاسى اتانۋى مۇمكىن

كاسىپقوي بوكس • 15 قاراشا، 2019

ۇقساس جاڭالىقتار