*شىمشىما شۋماقتار
ۇيرەنشىكتى جاعداي
و-و, بۇل دەگەنىڭ...
الەمىش ەتتىڭ نانىنا قاراي
شىڭعىرىپ تۇشكىرىپ جىبەردى.
ول تۇشكىرىپ جىبەرگەندە,
گازەت وقىپ وتىرعان قوجايىنى:
«انا ناندى مەن ەڭدى جەمەيمىن», – دەپ,
الەمىشكە قاراي ۇستەلدى جىبەردى.
ۇستەلگە جاۋاپ رەتىندە قامىر ۇشتى.
قوجايىن قامىردى قاعىپ الىپ بۇگىلدى.
– ۋ ناس وپيات ۆوينا! – دەپ,
بالالار كورشىلەرگە جۇگىردى.
... قازىر – بەيبىتشىلىك ... كەي ۇيدە ...
و-و,
بۇل دەگەنىڭ –
ۇيرەنشىكتى جاعداي بولدى بۇگىندە!
تەلەفون اڭگىمەسى
... – ءىڭ-ڭ,
كەشە سەنى بىرەۋمەن
توبەلەستى دەدى مە؟
– ونداي بولعان.
– ءىڭ-ڭ,
توبەڭدى تەستى دەدى مە؟
– ول دا بولعان.
– ءىڭ-ڭ,
توبەلەستەرىڭە كىم-كىمدەر قاتىستى؟
– ءوزىمىز ...
جانە كيىمدەرىمىز قاتىستى.
– ءىڭ-ڭ,
توبەلەستەرىڭ قاي جەردە بولىپ ءجۇر؟
– وي, ءبىر جەردە ...
ءاتۇستى ...
– ءىڭ-ڭ,
كاكەڭ مەن ماكەڭ دە توبەلەستى دەدى مە؟
– جوق, ولار اتىستى!
– ءىڭ-ڭ,
– نە جەتپەيدى؟
– سونى يت ءبىلىپ پە,
ايتەۋىر ايقايلاسىپ جاتتى:
«شىعىس» دەپ, «باتىس» دەپ.
– ءىڭ-ڭ-ڭ-ڭ...
ۇرپاق داۋسى
... – كەت, اكەڭنىڭ اۋىزىن! ...
– سەنىڭ اكەڭنىڭ اۋىزىن!
– سەنىڭ جەتى اكەڭنىڭ اۋىزىن!
– مەن سەنىڭ سەگىز اكەڭنىڭ اۋىزىن!
– مەن سەنىڭ سەمىز اكەڭنىڭ اۋىزىن!
***
ەستىپ جاتىرسىڭدار ما, بابالار
ۇرپاعىڭنىڭ داۋسىن!؟
ۇمبەتباي ۋايدين
