*قىسىر اڭگىمە
سەزىكتى سەكىرەدى
– نەمەنەگە كۇرسىنە بەرەسىڭ, مۇنداي كەرەمەت وقيعالى شىعارما ءالى جازىلعان ەمەس...
– وعان كۇمانىم جوق-اۋ...
– ەندى نە, سونشا تولقىپ, سونشا ءابىرجىپ؟
– ءXVى عاسىرداعى ءۇندى كومەديالارىن وقىعان بىرەۋلەر شىعىپ قالا ما دەپ تۇرعانىم...
كەرەمەت!
– مىنا ماتەريال تۇككە تۇرعىسىز ەكەن...
– ال, وندا قول قويعانىڭىزعا جول بولسىن!..
– تاقىرىبى كەرەمەت!..
اعىنان جارىلدى
جاسامىس جازۋشىدان:
– سوڭعى كەزدە نە وقىپ ءجۇرسىز؟ – دەپ ەدىك:
– وقۋ تۇرماق, باسىمدا بارىمدى جازىپ ۇلگەرە الماي ءجۇرمىن... – دەگەنى بار.
قولىنان كەلسە
– پاڭەكەڭ مولودەتس!
– نە بوپتى-ەي؟!
– سوڭعى كەزدە ەل-جۇرت جازۋشى پاڭىت اساروۆپەن ءجيى كەزدەسەتىن بوپ ءجۇر.
– ۇيىمداستىرۋشىلار كىمدەر ەكەن-ەي؟
– پاڭىت اساروۆتىڭ ءبىر ءوزى دەيدى عوي...
«ەستى» ەسكەرتپە
جاپال اتتى جازۋشى تۇڭعىش كىتابى جارىق كورگەندە ايەلىنە: «سەن دە مەن جونىنەن ماعلۇمات جيناي جۇرسەڭشى, كەيىن ەستەلىك جازساڭ تاپتىرمايدى عوي...» دەگەنى بار.
س. سابىر
